Oddagata 1, Seyðisfirði

Þetta litla hús var ein af 16 þurrabúðum sem byggðar voru í nágrenni verslunarhúsa sem reist voru undir Bjólfinum í Seyðisfirði, á svonefndri Fjarðaröldu, sem er norðan við fjörðinn, í jaðri núverandi byggðar. Húsið var byggt árið 1882 af Einari Jónssyni.¹Þóra B. Guðmundsdóttir (1995). Húsasaga Seyðisfjarðarkaupstaðar, bls. 14 og 301-302. [Seyðisfirði:] Safnastofnun Austur-lands og Seyðisfjarðarkaupstaður. Byggingarárið var því lýst þannig í húsavirðingu:

10 ál langt, 8 ál breitt, 9 ál hátt. Íbúðarhús úr timbri, með gólfi, lopti og kjallara, 4 ál í ferhyrning; niðri eru 3 herbergi og eldhús með reykháfi og eldstó, uppi er húsið ófullgjört ennþá.²Þóra B. Guðmundsdóttir (1995), bls. 302.

Þann 18. febrúar árið 1885 gerðist sá voveiflegi atburður að mikið snjóflóð úr Bjólfinum sópaði stórum hluta þessarar byggðar, alls 14 húsum, á haf út og varð 24 fjórum manneskjum að fjörtjóni.³ Þóra B. Guðmundsdóttir (1995), bls. 14. „Nokkrar þurrabúðir sem stóðu norðan við farveg flóðsins í kringum svonefnda Liverpoolverslun voru fluttar inn á öruggari svæði á Öldunni.“⁴Þóra B. Guðmundsdóttir (2003). Gengið um gamla bæinn – þróun byggðar í Seyðisfjarðarkaupstað frá 1850 til 1940. Bæklingur gefinn út af skrifstofu ferða- og menningarmála í Seyðisfirði. Ingimundur Ingimundarson keypti húsið eftir snjóflóðið og flutti það á lóð nr. 1 við Oddagötu og var það kallað Ingimundarhús.⁵Þóra B. Guðmundsdóttir (1995), bls. 301-302.

Húsið er grindarbyggt, „danskrar ættar og dæmigert þurrabúðarhús frá síðustu öld.“⁶Þóra B. Guðmundsdóttir (1995), bls. 302.

Um 2013 hófu núverandi eigendur umfangsmikla viðgerð og endurbætur á ytra byrði hússins.⁷Minjastofnun Íslands (2020, 26. október). Fyrir og eftir. Ingimundarhús, Oddagötu 1, Seyðisfirði. Sótt 8. nóvember 2023 af https://www.facebook.com/MinjastofnunIslands/posts/3937490206278417/. Ekki fer það fram þeim sem leið eiga um Oddagötuna að  þeir hafa vandað til verka og nostrað við hvert smáatriði.

Sjá einnig Nóatún sem flutt var að Bjólfsgötu 4 og Gíslahús, flutt að Bjólfsgötu 3.

Leitarorð: Seyðisfjörður – Fjarðaralda – Bjólfur

Höfundur: Guðlaug Vilbogadóttir.
Síðast uppfært 13. desember, 2023

Heimildaskrá

• 1
  Þóra B. Guðmundsdóttir (1995). Húsasaga Seyðisfjarðarkaupstaðar, bls. 14 og 301-302. [Seyðisfirði:] Safnastofnun Austur-lands og Seyðisfjarðarkaupstaður.
• 2
  Þóra B. Guðmundsdóttir (1995), bls. 302.
• 3
  Þóra B. Guðmundsdóttir (1995), bls. 14.
• 4
  Þóra B. Guðmundsdóttir (2003). Gengið um gamla bæinn – þróun byggðar í Seyðisfjarðarkaupstað frá 1850 til 1940. Bæklingur gefinn út af skrifstofu ferða- og menningarmála í Seyðisfirði.
• 5
  Þóra B. Guðmundsdóttir (1995), bls. 301-302.
• 6
  Þóra B. Guðmundsdóttir (1995), bls. 302.
• 7
  Minjastofnun Íslands (2020, 26. október). Fyrir og eftir. Ingimundarhús, Oddagötu 1, Seyðisfirði. Sótt 8. nóvember 2023 af https://www.facebook.com/MinjastofnunIslands/posts/3937490206278417/.