Bjólfsgata 3, Seyðisfirði

Þetta litla hús var ein af 16 þurrabúðum sem byggðar voru í nágrenni verslunarhúsa sem reist voru undir Bjólfinum í Seyðisfirði, á svonefndri Fjarðaröldu, sem er norðan við fjörðinn, í jaðri núverandi byggðar. Húsið var byggt árið 1881 af Gísla Jónssyni tré- og gullsmið og var það nefnt Gíslahús.¹Þóra B. Guðmundsdóttir (1995). Húsasaga Seyðisfjarðarkaupstaðar, bls. 14 og 146-147. [Seyðisfirði:] Safnastofnun Austurlands og Seyðisfjarðarkaupstaður. Byggingarárið var því lýst þannig í húsavirðingu: „… það er timburhús 10 ál. langt og 8 ál. breitt með kvisti og kjallara; niðri eru 3 herbergi með eldhúsi með kabyssuofni; uppi er húsið ógjört innan enn þá.“²Þóra B. Guðmundsdóttir (1995), bls. 147.

Þann 18. febrúar árið 1885 gerðist sá voveiflegi atburður að mikið snjóflóð úr Bjólfinum sópaði stórum hluta þessarar byggðar, alls 14 húsum, á haf út og varð 24 fjórum manneskjum að fjörtjóni.³Þóra B. Guðmundsdóttir (1995), bls. 14. „Nokkrar þurrabúðir sem stóðu norðan við farveg flóðsins í kringum svonefnda Liverpoolverslun voru fluttar inn á öruggari svæði á Öldunni.“⁴Þóra B. Guðmundsdóttir (2003). Gengið um gamla bæinn – þróun byggðar í Seyðisfjarðarkaupstað frá 1850 til 1940. Bæklingur gefinn út af skrifstofu ferða- og menningarmála í Seyðisfirði. Eitt þessara húsa var Gíslahús og virðist Gísli hafa nýtt tækifærið og byggt úraverkstæði við húsið þegar það var reist á nýjum stað við Bjólfsgötu 3.⁵Þóra B. Guðmundsdóttir (1995), bls. 147.

Árið 1908 festi Stefán Ásbjarnarson kaup á húsinu. Við það tækifæri lét hann birta eftirfarandi tilkynningu í Austra 14. apríl:⁶Auglýsing frá Stefáni Ásbjarnarsyni (1908, 18. apríl). Austri, 14. tbl., bls. 50.

Stefán kaus að nefna hús sitt eftir bænum sem hann kom frá í Hjaltastaðaþinghá.⁷Þóra B. Guðmundsdóttir (1995), bls. 147.

Í skýrslunni Byggingarár húsa á Seyðisfirði kemur fram að húsið hafi verið rifið 1966.⁸Harpa Grímsdóttir (1997, ágúst). Byggingarár húsa á Seyðisfirði, Viðauki 2. Reykjavík: Veðurstofa Íslands. Sótt 21. nóvember 2009 af http://www.veður.is/media/vedurstofan/utgafa/ greinargerdir/1997/97016.pdf.

Leitarorð: Seyðisfjörður – Bjólfur – Fjarðaralda

Höfundur: Guðlaug Vilbogadóttir.
Síðast uppfært 28. desember, 2023

Heimildaskrá

• 1
  Þóra B. Guðmundsdóttir (1995). Húsasaga Seyðisfjarðarkaupstaðar, bls. 14 og 146-147. [Seyðisfirði:] Safnastofnun Austurlands og Seyðisfjarðarkaupstaður.
• 2
  Þóra B. Guðmundsdóttir (1995), bls. 147.
• 3
  Þóra B. Guðmundsdóttir (1995), bls. 14.
• 4
  Þóra B. Guðmundsdóttir (2003). Gengið um gamla bæinn – þróun byggðar í Seyðisfjarðarkaupstað frá 1850 til 1940. Bæklingur gefinn út af skrifstofu ferða- og menningarmála í Seyðisfirði.
• 5
  Þóra B. Guðmundsdóttir (1995), bls. 147.
• 6
  Auglýsing frá Stefáni Ásbjarnarsyni (1908, 18. apríl). Austri, 14. tbl., bls. 50.
• 7
  Þóra B. Guðmundsdóttir (1995), bls. 147.
• 8
  Harpa Grímsdóttir (1997, ágúst). Byggingarár húsa á Seyðisfirði, Viðauki 2. Reykjavík: Veðurstofa Íslands. Sótt 21. nóvember 2009 af http://www.veður.is/media/vedurstofan/utgafa/ greinargerdir/1997/97016.pdf.