Hafnarbraut 7, Hólmavík

Árið 1929 gengu þau Árni Andrésson (1895-1964) og Þuríður Guðmundsdóttir (1901-1992) í hjónaband. Þau hófu búskap á Bæ á Selströnd, þar sem Þuríður var uppalin og kenndi hún sig alla tíð við þann bæ. Í Bæ eignuðust þau Árni þrjú börn, en alls áttu börnin eftir að verða tólf talsins.¹„Mig hefur alltaf langað til að skrifa“ (1982, 6. febrúar). Þjóðviljinn, 47. árg., 29. – 30. tbl., bls. 16-17.

Þegar þau fluttu frá Bæ að Gautshamri árið 1929 fluttu þau með sér íbúðarhús sem þau höfðu byggt þar. Lesa má um það hús hér: Gautshamar, Selströnd, Steingrímsfirði.

Mikið var umleikis að Gautshamri og oft margir í heimili. Þau byggðu því stærra hús árið 1932. Í því húsi bjuggu þau þar til þau fluttu frá Gautshamri til Hólmavíkur árið 1948. Þá fluttu þau húsið sem þau höfðu byggt árið 1932 með sér til Hólmavíkur, en ekki settust þau að í húsinu, heldur seldu það Aðalsteini Aðalsteinssyni og Grímeyju Jónatansdóttur (1908-1997). Eftir lát Aðalsteins árið 1951 bjó Grímey áfram í húsinu og var húsið síðan kennt við hana og nefnt Grímeyjarhús.²Þuríður Guðmundsdóttir (1983, 1. júní). Hugsað heim. Strandapósturinn, 17. árg., 1. tbl., bls. 28-35; „Mig hefur alltaf langað til að skrifa“ (1982, 6. febrúar); Óli E. Björnsson (1990). Hólmavíkurbók, bls. 80-82. [Hólmavík:] Hreppsnefnd Hólmavíkurhrepps.

Næstu eigendur voru: Guðjón Magnússon frá Ósi sem endurbætti húsið, Halldór Halldórsson á Hrófbergi, hann bjó þar þó ekki, Magnús Magnússon Ingimundarsonar og Jón K. Vilhjálmsson (1977). Loks keypti Guðjón Halldórsson frá Heiðarbæ þetta hús 1896, en auðnaðist ekki að búa í því neitt sem hér, því hann lést ekki löngu síðar, 14. maí 1987. Síðan hefur ekkjan, Ragnheiður Guðmundsdóttir [1915-2003] , búið í húsinu.³Óli E. Björnsson (1990), bls. 82.

Eftir að þetta var skrifað hefur húsið skipt um eigendur.

Grímeyjarhús, Hafnargötu 7, Hólmavík, í júlí 2023. Ljósm.: Ja.is.

Leitarorð: Strandir – Steingrímsfjörður

Höfundur: Guðlaug Vilbogadóttir.
Síðast uppfært 1. desember, 2025

Heimildaskrá

• 1
  „Mig hefur alltaf langað til að skrifa“ (1982, 6. febrúar). Þjóðviljinn, 47. árg., 29. – 30. tbl., bls. 16-17.
• 2
  Þuríður Guðmundsdóttir (1983, 1. júní). Hugsað heim. Strandapósturinn, 17. árg., 1. tbl., bls. 28-35; „Mig hefur alltaf langað til að skrifa“ (1982, 6. febrúar); Óli E. Björnsson (1990). Hólmavíkurbók, bls. 80-82. [Hólmavík:] Hreppsnefnd Hólmavíkurhrepps.
• 3
  Óli E. Björnsson (1990), bls. 82.