Gauksstaðavegur 2, Garði

Árið 1905 byggðu hjón Sigurður Gíslason vélstjóri og Guðrún Þórarinsdóttir sér hús á Garðshornsflöt í Keflavík, sem síðar fékk númerið 12 við Aðalgötu. Byggði Sigurður hús sitt að mesu leyti sjálfur.¹K. A. J. (1998, 1. desember). Garðshorn við Aðalgötu. Ættarsögubrotum raðað saman. Faxi, 58. árg., 5. tbl., bls. 120-123.

Þegar húsið hafði staðið í tæplega eina öld kom að því að breikka þurfti Aðalgötuna og var húsið þá flutt að Bala á Stafnesi árið 1991 eða 1992. Þar stóð húsið á stólpum þar til Jónatan Ingimarsson keypti húsið árið 2002 og flutti það á Gauksstaðaveg 2 í Garði, þar sem það stendur enn og er húsið þar með komið aftur í Garðhornsættina.²Jónatan Ingimarsson (2023, 4. janúar). Tölvupóstur.

Þess má geta að Garðshorn, sem var númer 14 við Aðalgötu, var einnig flutt, en eigendur þessara tveggja Garðshornshúsa tengdust fjölskylduböndum.

Höfundur: Guðlaug Vilbogadóttir.
Síðast uppfært 14. ágúst, 2025

Heimildaskrá

• 1
  K. A. J. (1998, 1. desember). Garðshorn við Aðalgötu. Ættarsögubrotum raðað saman. Faxi, 58. árg., 5. tbl., bls. 120-123.
• 2
  Jónatan Ingimarsson (2023, 4. janúar). Tölvupóstur.