Nýja-Búð, Eskifirði

Bindindisstúkan Döggin byggði samkomuhús utan við Lambeyrará árið 1896, u.þ.b. þar sem nú er Strandgata 48 á Eskifirði. Um svipað leyti reistu Góðtemplarar sitt samkomuhús (sjá: Strandgata 45, Eskifirði – Húsaflutningar) og voru þetta fyrstu hús ætluð til mannamóta sem reist voru í Eskifjarðarkaupstað.

Líkt og Góðtemplarahúsið var Bindindishúsið flutt af sínum upprunalega byggingarstað. Árið 1903 var þetta hús rifið og endurreist í Útkaupstað beint á móti Gömlu-Búðinni (Strandgötu 39b) og nefndist því Nýja-Búðin fyrst á eftir. Fyrir því hefur Carl D. Tulinius væntanlega staðið því hann átti verslunar- og íbúðarhús á svæðinu. Húsið stóð neðan vegar á hlöðnum grunni, sem sjór féll að á flóði. Það var síðar nefnt ýmsum öðrum nöfnum, meðal annars Tuliniusarbúð og Sameinaða, meðan Hinar sameinuðu íslensku verslanir áttu húsið.¹Eskja 1. Örnefni við Eskifjörð. Sögur og sagnir af örnefnasvæðinu (1971). Sögurit Eskfirðinga I. bindi, bls. 50 og 72. Einar Bragi Sigurðsson sá um útgáfuna. Eskifirði: Byggðasögunefnd Eskifjarðar; Eskja 5. Eskifjörður í máli og myndum 1786-1986 (1986). Sögurit Eskfirðinga V. bindi, bls. 22. Einar Bragi Sigurðsson tók saman. Eskifirði: Byggðasögunefnd Eskifjarðar; Kristín Ágústsdóttir (2001). Byggingarár húsa á Eskifirði, kort 2.5, bls. 14. Neskaupstaður: Náttúrustofa Austurlands.

Í bók sem kom út 1971 er húsið sagt „rifið yfir allmörgum árum“.²Eskja 1 (1971), bls. 72.

Leitarorð: Eskifjörður

Höfundur: Guðlaug Vilbogadóttir.
Síðast uppfært 19. ágúst, 2026

Heimildaskrá

• 1
  Eskja 1. Örnefni við Eskifjörð. Sögur og sagnir af örnefnasvæðinu (1971). Sögurit Eskfirðinga I. bindi, bls. 50 og 72. Einar Bragi Sigurðsson sá um útgáfuna. Eskifirði: Byggðasögunefnd Eskifjarðar; Eskja 5. Eskifjörður í máli og myndum 1786-1986 (1986). Sögurit Eskfirðinga V. bindi, bls. 22. Einar Bragi Sigurðsson tók saman. Eskifirði: Byggðasögunefnd Eskifjarðar; Kristín Ágústsdóttir (2001). Byggingarár húsa á Eskifirði, kort 2.5, bls. 14. Neskaupstaður: Náttúrustofa Austurlands. ↩︎
• 2
  Eskja 1 (1971), bls. 72. ↩︎