Strandgata 45, Eskifirði

Heiti: Góðtemplarahúsið – Hótel Eskifjörður

Byggingarár: 1895-1897

Rifið: ≈1975

Upphafleg notkun: Samkomuhús

Fyrsti eigandi: Góðtemplarahreyfingin

Aðrir eigendur:

1907: Anton Jakobsson veitingamaður

Upphafleg staðsetning: Kirkjustígur 2, Eskifirði

Flutt: 1907 að Strandgötu 45, Eskifirði

Saga:

Árið 1895 eða 1897 var Góðtemplarahúsið á Eskifirði reist u.þ.b. þar sem nú er húsið Kirkjustígur 2. Um svipað leyti var Bindindishúsið reist og voru þessi hús fyrstu samkomuhús staðarins og eru þessar framkvæmdir til marks um mikla vakningu í baráttunni gegn Bakkusi.

Árið 1907 flutti Anton Jakobsson hluta hússins og reisti við innstafninn á húsi sínu, Antonshúsi, sem hann hafði byggt um svipað leyti og Góðtemplarahúsið. Antonshús stóð þar sem nú er Strandgata 45. Anton var veitingamaður og rak hann Hótel Eskifjörð í aðflutta húsinu.¹

Hús þetta hvarf af sjónarsviðinu um 1975.²

Leitarorð: Eskifjörður

Höfundur: Guðlaug Vilbogadóttir.
Síðast uppfært 12. apríl, 2024

Heimildaskrá

1
Eskja 5. Eskifjörður í máli og myndum 1786-1986 (1986). Sögurit Eskfirðinga V. bindi, bls. 22. Einar Bragi Sigurðsson tók saman. Eskifirði: Byggðasögunefnd Eskifjarðar; Eskja 1. Örnefni við Eskifjörð. Sögur og sagnir af örnefnasvæðinu (1971). Sögurit Eskfirðinga I. bindi, bls. 55-65. Einar Bragi Sigurðsson sá um útgáfuna. Eskifirði: Byggðasögunefnd Eskifjarðar; Kristín Ágústsdóttir (2001, maí). Byggingarár húsa á Eskifirði, bls. 12-13. Unnið fyrir Veðurstofu Íslands. Neskaupstað: Náttúrustofa Austurlands. Sótt 12. apríl 2024 af https://www.vedur.is/gogn/snjoflod/haettumat/es/eskifj_byggingarar.pdf.
2
Kristín Ágústsdóttir (2001, maí), Kort 2.4 – Horfin hús.

Deila færslu

Höfundur: Guðlaug Vilbogadóttir.
Síðast uppfært 12. apríl, 2024