Völlur, Miðstræti 30, Vestmannaeyjum

Heiti: Völlur

Byggingarár: 1918

Upphafleg notkun: Íbúðarhús

Fyrsti eigandi: : Lárus Halldórsson og Elsa Dóróthea Ólafsdóttir

Aðrir eigendur:

1923 ?: Elsa Dóróthea Ólafsdóttir

Upphafleg staðsetning: Vestmannabraut 15, Vestmannaeyjum

Flutt: 1956 að Miðstræti 30, Vestmannaeyjum

Völlur við Miðstræti 30, líklega um 2006. Heimild: Heimaslóð (2007, 3. júlí). Völlur.

Völlur við Miðstræti 30, Vestmannaeyjum, í júlí 2023. Ljósm.: Ja.is.

Saga:

Árið 1918 byggði Lárus Halldórsson (1873-1957) húsið Völl, sem var við Vestmannabraut 15 í Vestmannaeyjum. Eiginkona hans var Elsa Dóróthea Ólafsdóttir (1879-1956). Lárus var bóndi, útgerðarmaður, fiskkaupandi og verkamaður. Þau eignuðust 6 börn. Hjónin skildu um 1923 og bjó þá Elsa ein með börn sín á Velli eftir það, en flutti frá Vestmannaeyjum um 1945.

Nafn hússins, Völlur, kom til af því að mikið og slétt tún var þar sem húsið stóð við Vestmannabraut.

Árið 1956 þurfti húsið að víkja vegna fyrirhugaðrar nýbyggingar Útvegsbanka Íslands. Þá var það flutt að Miðstræti 30, Vestmannaeyjum, þar sem það stendur enn.¹

Leitarorð: Vestmannaeyjar

Höfundur: Guðlaug Vilbogadóttir.
Síðast uppfært 12. júlí, 2024

Heimildaskrá

1
Heimaslóð (2007, 3. júlí). Völlur; Viglundur Þór Þorsteinsson (2019, 24. ágúst). Heimaslóð. Elsa Dóróthea Ólafsdóttir; Viglundur Þór Þorsteinsson (2022, 22. desember). Heimaslóð. Lárus Halldórsson (Velli).

Deila færslu

Höfundur: Guðlaug Vilbogadóttir.
Síðast uppfært 12. júlí, 2024