Vesturgata 111b, Akranesi

Hjónin Þorsteinn Jónsson (1857-1941) og Ragnheiður Þorgrímsdóttir Thorgrímsen (1844-1933) byggðu hús árið 1902 á jörð sinni Grund á Skipasaga. Síðar varð húsið númer 41 við Vesturgötu. Árið 1948 eða 1949 var húsið flutt að Vesturgötu 111b og komið fyrir á steyptum grunni.¹Ljósmyndasafn Akraness (ódags.). Nr. 4963; Gísli S. Sigurðsson (2004). Valsað um Vesturgötu. Annar hluti, bls. 205. Árbók Akurnesinga, 4, bls. 205-225; Gísli S. Sigurðsson (2005). Valsað um Vesturgötu. Þriðji hluti, bls. 179. Árbók Akurnesinga, 5, bls. 175-184

Þorsteinn var seinni maður Ragnheiðar á Grund. Árið 1884 drukknaði fyrri maður hennar, Halldór Einarsson (1842-1884). Þau höfðu eignast sex börn, en einungis tvær dætur komust upp og hélt Ragnheiður áfram að búa með dætrum sínum á Grund eftir fráfall Halldórs. Árið 1885 giftist hún Þorsteini Jónssyni.²Ólafur. B. Björnsson (1944, 1. október). Persónusaga. Ragnheiður á Grund. Aldarminnig. Akranes, 3. árg., 10. tbl., bls. 122-123. „Hann fékkst … jöfnum höndum við búskap og sjóróðra. Hann var félagslyndur og tók brátt virkan þátt í ýmsum félagsmálum og var um mörg ár kennari.“³Ólafur. B. Björnsson (1944, 1. október), bls. 123.

Ólafur B. Björnsson skrifaði aldarminningu Ragnheiðar árið 1944. Þar segir hann m.a.:

Ragnheiður á Grund var vel greind, sérstaklega ættfróð og ákaflega minnug. Hún var bráð lagleg kona og stór myndarleg í senn. Efaðist enginn um að þar frá hefðarkona sem Ragnheiður var. Hún var ein allra þrifnasta kona er ég hef þekkt. Allt var hjá henni í röð og reglu, úti og inni. Í útihúsum, á landareigninni, og þá ekki síður á hennar eigin heimili. Þar var hver hlutur á sínum stað, allt saman hreint og fágað hvenær sem að var komið.⁴Ólafur. B. Björnsson (1944, 1. október), bls. 123.

Höfundur: Guðlaug Vilbogadóttir.
Síðast uppfært 11. júlí, 2025

Heimildaskrá

• 1
  Ljósmyndasafn Akraness (ódags.). Nr. 4963; Gísli S. Sigurðsson (2004). Valsað um Vesturgötu. Annar hluti, bls. 205. Árbók Akurnesinga, 4, bls. 205-225; Gísli S. Sigurðsson (2005). Valsað um Vesturgötu. Þriðji hluti, bls. 179. Árbók Akurnesinga, 5, bls. 175-184
• 2
  Ólafur. B. Björnsson (1944, 1. október). Persónusaga. Ragnheiður á Grund. Aldarminnig. Akranes, 3. árg., 10. tbl., bls. 122-123.
• 3
  Ólafur. B. Björnsson (1944, 1. október), bls. 123.
• 4
  Ólafur. B. Björnsson (1944, 1. október), bls. 123.