Þormóðsgata 20, Siglufirði

Við Hlíðarveg 9 á Siglufirði stendur nú (2024) hús sem byggt var árið 1986. Áður en það hús var byggt stóð fyrir á lóðinni lítið timburhús, sem byggt var árið 1929. Fyrstu eigendur hússins voru hjónin Einar Ásmundsson (1878-1979), sjómaður og bátaformaður og síðar fisksali, og kona hans Ólöf Herdís Kjartansdóttir(1893-1978) vökukona á Sjúkrahúsi Siglufjarðar til margra ára, en þau hjón höfðu flutt til Siglufjarðar tveimur árum áður. Þau bjuggu í húsinu þar til Herdís lést árið 1978.¹Kanon arkitektar (2017, desember). Húsaskráning Siglufjarðar. 1. áfangi 2012/13, bls. 169 og 453; Harpa Grímsdóttir (1998, desember). Byggingarár húsa á Siglufirði, bls. 17. Veðurstofa Íslands; Guðmundur Skarphéðinsson (2012, 8. febrúar). Flutningur á húsi úr Skarðsdal. Sótt 13. september 2024 af siglo.is;  Afmæli (1968, 17. desember). Einherji, 37. árg., 11.-12. tbl., bls. 5;  Minning: Kjartan Sölvi Einarsson (2011, 8. janúar). Morgunblaðið, 99. árg., 6. tbl., bls. 34.

Þegar húsið var virt til brunabóta í október 1929 kom fram að húsið væri nýbyggt timburhús, ein hæð með lágu risi á steinsteyptum kjallara, 6,6 x 5,8 m að grunnfleti með 9 gluggum. Ytra byrði hússins var járn á pappa. Á hæðinni voru 3 herbergi, eldhús og forstofa en niðri var gangur og geymslur. Ein eldavél og einn ofn var í húsinu.²Brunabótavirðing 20. október 1929. Hlíðarvegur 9, Siglufjarðarkaupstaður. Í Héraðsskjalasafni Fjallabyggðar.

Búið var í húsinu með hléum til ársins 1984, en þá þurfti húsið að víkja fyrir nýja húsinu. Var gamla húsið þá flutt upp á skíðasvæðið í Skarðsdal og notað sem áhaldageymsla.

Árið 2012 var húsið aftur flutt. Nú var áfangastaðurinn Þormóðsgata 20 á Siglufirði. Þar var húsið sett niður á sömu lóð og annað gamalt hús, sem byggt var árið 1924. Það var Dúi Landmark sem stóð fyrir þessum flutningi og var húsið í hans eigu.³Kanon arkitektar (2017, desember). Húsaskráning Siglufjarðar. 1. áfangi 2012/13, bls. 169 og 453; Guðmundur Skarphéðinsson (2012, 8. febrúar). Flutningur á húsi úr Skarðsdal. Sótt 13. september 2024 af siglo.is; Gíslný Halldóra Jónsdóttir, skjalavörður Héraðsskjalasafni Fjallabyggðar (2020, 18. ágúst). Tölvupóstur.

Við Þormóðsgötu 20 hefur húsið nú verið gert lögulega upp. Samkvæmt fyrirliggjandi teikningum á vef Fjallabyggðar er gert ráð fyrir að tengja húsin saman með tengibyggingu, en af þeirri framkvæmd hefur enn ekki orðið.⁴Kortasjá Fjallabyggðar. Sótt 13. september 2024 af https://www.map.is/fjallabyggd/#.

Leitarorð: Siglufjörður

Höfundur: Guðlaug Vilbogadóttir.
Síðast uppfært 14. september, 2024

Heimildaskrá

• 1
  Kanon arkitektar (2017, desember). Húsaskráning Siglufjarðar. 1. áfangi 2012/13, bls. 169 og 453; Harpa Grímsdóttir (1998, desember). Byggingarár húsa á Siglufirði, bls. 17. Veðurstofa Íslands; Guðmundur Skarphéðinsson (2012, 8. febrúar). Flutningur á húsi úr Skarðsdal. Sótt 13. september 2024 af siglo.is;  Afmæli (1968, 17. desember). Einherji, 37. árg., 11.-12. tbl., bls. 5;  Minning: Kjartan Sölvi Einarsson (2011, 8. janúar). Morgunblaðið, 99. árg., 6. tbl., bls. 34.
• 2
  Brunabótavirðing 20. október 1929. Hlíðarvegur 9, Siglufjarðarkaupstaður. Í Héraðsskjalasafni Fjallabyggðar.
• 3
  Kanon arkitektar (2017, desember). Húsaskráning Siglufjarðar. 1. áfangi 2012/13, bls. 169 og 453; Guðmundur Skarphéðinsson (2012, 8. febrúar). Flutningur á húsi úr Skarðsdal. Sótt 13. september 2024 af siglo.is; Gíslný Halldóra Jónsdóttir, skjalavörður Héraðsskjalasafni Fjallabyggðar (2020, 18. ágúst). Tölvupóstur.
• 4
  Kortasjá Fjallabyggðar. Sótt 13. september 2024 af https://www.map.is/fjallabyggd/#.