Strandgata 73, Eskifirði

Heiti: Svenskarahús - Klaustur

Byggingarár: 1882-1884

Upphafleg notkun: Íbúðarhús

Fyrsti eigandi: Leth kaupmaður ?

Upphafleg staðsetning: Þar sem nú er Strandgata 88, Eskifirði

Flutt: 1890 að Strandgötu 73, Eskifirði

Saga:

Ekki er vitað með vissu hver byggði íbúðarhúsið sem kallað var Svenskarahúsið á Eskifirði, sem stóð þar sem nú (2023) er Strandgata 88. Í bókinni Silfur hafsins. Gull Íslands segir svo:

Tvennt kemur helst til greina. Annars vegar að Svíar, sem voru með útveg á Eskifirði veturinn 1895-1896, hafi byggt húsið og hins vegar að það hafi verið Leth, kaupmaður í Kaupmannahöfn. Hann hóf síldveiðar á Austfjörðum á níunda áratug aldarinnar og var ýmist sagður norsk-sænskur, norsk-danskur eða sænskur. Hafði hann töluverð umsvif á Sómastöðum á árunum 1882-1884 auk þess sem hann er talinn hafa byggt íbúðarhús á Eskifirði 1883.¹

Telja verður líklegra að það hafi verið Leth kaupmaður sem byggði húsið, því vitað er að það var flutt um set árið 1890, á lóð sem nú er númer 73 við Strandgötu, þar sem það stendur enn. Nú er húsið nefnt Klaustur.²

Leitarorð: Eskifjörður

Höfundur: Guðlaug Vilbogadóttir.
Síðast uppfært 13. desember, 2023

Heimildaskrá

1
Hreinn Ragnarsson og Steinar J. Lúðvíksson (ritstjórar) (2007). Síldarstaðir á 19. öld, bls. 148-149. Í Silfur hafsins. Gull Íslands. Síldarsaga Íslendinga. 1. bindi, bls. 117-196. Reykjavík: Nesútgáfan.
2
Eskja 1. Örnefni við Eskifjörð. Sögur og sagnir af örnefnasvæðinu (1971). Sögurit Eskfirðinga I. bindi, bls. 26. Einar Bragi Sigurðsson sá um útgáfuna. Eskifirði: Byggðasögunefnd Eskifjarðar; Kristín Ágústsdóttir (2001, maí). Byggingarár húsa á Eskifirði. Unnið fyrir Veðurstofu Íslands. Neskaupstað: Náttúrustofa Austurlands. Sótt 27. nóvember 2009 af https://www.vedur.is/gogn/snjoflod/haettumat/es/eskifj_byggingarar.pdf.

Deila færslu

Höfundur: Guðlaug Vilbogadóttir.
Síðast uppfært 13. desember, 2023