Sólheimar, Skagaströnd

Árið 1929 reistu hjónin Árni Sigurjón Ingvarsson (1907-1989) og Anna Guðmonsdóttir (1899-1993), þá nýgift, sér hús á Fiskinesi á Selströnd við Steingrímsfjörð. Vegna slæmra útgerðarskilyrða og lendingar þar ákváðu þau að flytja sig um set, taka hús sitt niður og flytja það að Hraunhelli í Hafnarhólmslandi árið 1937. Þar nefndu þau húsið Sólheima.¹Björn H. Björnsson (2012, 1. júní). Um húsagang við Húnaflóa, bls. 33. Strandapósturinn, 44. árg., bls. 31-36. Húsið stóð um það bil miðja vegu milli Víkur og Hafnarhólms, en nær sjónum.²Björn H. Björnsson (2025, 21. nóvember). Munnleg heimild.

Þegar Árni og Anna fluttu til Akraness árið 1946 flutti Júlíus Árnason (bróðursonur Önnu, 1922-1985) húsið til Skagastrandar.³Björn H. Björnsson (2012, 1. júní), bls. 33; Minning: Anna Guðmonsdóttir (1989, 2. janúar). Dagblaðið Vísir, 79. og 15. árg., 1. tbl., bls. 27.

Ekki eru allir á einu máli um hver urðu örlög hússins á Skagaströnd. Sumir segja að Júlíus og eiginkona hans, Steinunn Guðmundsdóttir, hafi fleytt húsinu húsinu í flekum yfir Húnaflóa og byggt úr því hús sem nefnt var Sólheimar (síðar Gömlu Sólheimar) á Skagaströnd. Húsið hafi staðið undir Spákonuhöfða, þar sem Skagavegur liggur frá Vetrarbraut í átt að Laufási. Þau hafi síðar byggt húsið Höfðaberg aðeins ofar við sömu götu. Aðrir telja að Júlíus hafi flutt viðina úr Sólheimum frá Selströnd á lítilli trillu og notað þá strax til að byggja Höfðaberg. Flutt var úr Höfðabergi um eða upp úr 1963 og eftir það kviknaði í húsinu.⁴Halla Árný Júlíusdóttir (2025, 19. nóvember). Munnleg heimild; Skagstrendingar. Sótt 25. nóvember 2025 af Skagstrendingar | Facebook. Myndin hér að neðan er sögð tekin um 1980 og standa þá Sólheimar og Höfðaberg enn.

Á þessari mynd sjást bæði Höfðaberg og Sólheimar. Höfðaberg er næst okkur hægra megin á myndinni, reisulegt hús með grænu, lágu valmaþaki. Í neðra vinstra horninu sést í gömlu Sólheima, sem eru rauðu þaki, líklega skúrþaki. Heimild: Skagaströnd. Mynd vikunnar 12. desember 2014. Sótt 25. nóvember 2025 af https://www.skagastrond.is/is/moya/news/mynd-vikunnar-2644.

Leitarorð: Strandir – Steingrímsfjörður

Höfundur: Guðlaug Vilbogadóttir.
Síðast uppfært 27. apríl, 2026

Heimildaskrá

• 1
  Björn H. Björnsson (2012, 1. júní). Um húsagang við Húnaflóa, bls. 33. Strandapósturinn, 44. árg., bls. 31-36.
• 2
  Björn H. Björnsson (2025, 21. nóvember). Munnleg heimild.
• 3
  Björn H. Björnsson (2012, 1. júní), bls. 33; Minning: Anna Guðmonsdóttir (1989, 2. janúar). Dagblaðið Vísir, 79. og 15. árg., 1. tbl., bls. 27.
• 4
  Halla Árný Júlíusdóttir (2025, 19. nóvember). Munnleg heimild; Skagstrendingar. Sótt 25. nóvember 2025 af Skagstrendingar | Facebook.