Í 9. bindi Byggðasögu Skagafjarðar segir í texta við þessa mynd: „Jón og Guðbjörg standa við frambæinn svokallaða, timburhúsið sem flutt var neðan frá Hraunum. Það var endurbyggt í sömu mynd og var geymsluloft yfir. Dyrnar voru á suðurenda og gangur þar inn af þeim. Vinstra megin, norðan við, var skemma með timburstafni.“ Heimild: Hjalti Pálsson, Egill Bjarnason og Kári Gunnarsson (2019). Byggðasaga Skagafjarðar. IX. bindi. Holtshreppur, bls. 322. Ritstjóri og aðalhöfundur. Hjalti Pálsson. Sauðárkróki: Sögufélag Skagfirðinga.
Í 9. bindi Byggðasögu Skagafjarðar segir í texta við þessa mynd: „Jón og Guðbjörg standa við frambæinn svokallaða, timburhúsið sem flutt var neðan frá Hraunum. Það var endurbyggt í sömu mynd og var geymsluloft yfir. Dyrnar voru á suðurenda og gangur þar inn af þeim. Vinstra megin, norðan við, var skemma með timburstafni.“ Heimild: Hjalti Pálsson, Egill Bjarnason og Kári Gunnarsson (2019). Byggðasaga Skagafjarðar. IX. bindi. Holtshreppur, bls. 322. Ritstjóri og aðalhöfundur. Hjalti Pálsson. Sauðárkróki: Sögufélag Skagfirðinga.

Saurbær, Fljótum, Skagafirði

Heiti: Hraun ? - Saurbær
Byggingarár: <1900
Rifið: ≈1947
Upphafleg notkun: Íbúðarhús
Fyrsti eigandi: Einar B. Guðmundsson
Aðrir eigendur:
≈1902: Guðbrandur Árnason og Þuríður Jónasdóttir
Upphafleg staðsetning: Hraun eða Hraunakrókur, Fljótum, Skagafirði
Flutt: Um 1900 í Saurbæ í Fljótum, Skagafirði

Saga:

Árið 1890 eignaðist Einar B. Guðmundsson (1841-1910) á Hraunum í Fljótum í Skagafirði jörðina Saurbæ í sömu sveit. Á þessum tíma átti Einar einnig jörðina Hraun og var með útgerð í Hraunakróki. Einar keypti jörðina Saurbæ fyrir Bessa (1874-1947) son sinn sem bjó þar þó ekki lengi því vorið 1901 fluttu hjónin Guðbrandur Árnason (1875-1955) og Þuríður Jónasdóttir (1878-1947) í Saurbæ og keyptu jörðina stuttu síðar. Keyptu þau hjón hús af Einari, sem annað hvort stóð á Hraunahlaði eða í Hraunakróki. Þetta hús endurbyggðu þau í sömu mynd og notuðu sem framhús við torfbæ sem þau byggðu árið 1910.1Hjalti Pálsson, Egill Bjarnason og Kári Gunnarsson (2019). Byggðasaga Skagafjarðar. IX. bindi. Holtshreppur, bls. 320-322 og 424. Ritstjóri og aðalhöfundur. Hjalti Pálsson. Sauðárkróki: Sögufélag Skagfirðinga.

Var hann síðasti torfbærinn sem notaður var til íbúðar í Fljótum. Þar var austast tvískipt baðstofa, bæjargöng, búr, fjós og frambær með bæjardyrum, stofu og lofti. Norðan við frambæinn, vestast, var áföst skemma. Sneri hún stöfnum austur/vestur, öfugt við önnur bæjarhús. Bæjardyrnar voru syðst í frambænum og þaðan lágu bæjargöngin beint inn í nyrsta hluta baðstofunnar. Baðstofan var austast og stærst bæjarhús og náði lengst við suðurs. Búrið var vestan baðstofunnar, sunnan við bæjargöngin, en fjósið norðan við þau, austan við frambæinn.2Hjalti Pálsson, Egill Bjarnason og Kári Gunnarsson (2019), bls. 322.

Búið var í torfbænum allt til ársins 1950, en þá um haustið var flutt inn í nýtt steinhús, sem byrjað var að byggja árið 1947, en rífa þurfti vestasta hluta torfbæjarins til að koma steinhúsinu fyrir.

Þau Guðbrandur og Þuríður hættu búskap 1929 og fluttu til Siglufjarðar. Tók þá Jón sonur þeirra við jörðinni. Kona hans var Guðbjörg Margrét Jónsdóttir.3Hjalti Pálsson, Egill Bjarnason og Kári Gunnarsson (2019), bls. 319-326.

 

Leitarorð: Skagafjörður

Höfundur: Guðlaug Vilbogadóttir.
Síðast uppfært 10. september, 2024

Heimildaskrá

  • 1
    Hjalti Pálsson, Egill Bjarnason og Kári Gunnarsson (2019). Byggðasaga Skagafjarðar. IX. bindi. Holtshreppur, bls. 320-322 og 424. Ritstjóri og aðalhöfundur. Hjalti Pálsson. Sauðárkróki: Sögufélag Skagfirðinga.
  • 2
    Hjalti Pálsson, Egill Bjarnason og Kári Gunnarsson (2019), bls. 322.
  • 3
    Hjalti Pálsson, Egill Bjarnason og Kári Gunnarsson (2019), bls. 319-326.

Deila færslu

Höfundur: Guðlaug Vilbogadóttir.
Síðast uppfært 10. september, 2024