Sæból, Selströnd við Steingrímsfjörð

Þau Auðunn Árnason (1901-1991) og Sigríður Guðmundsdóttir (1907-1983) gengu í hjónaband árið 1928. Fyrstu árin vann Auðunn við fiskvinnu en hugurinn stefndi til búskapar. Árið 1932 fengu þau landskika í landi Hafnarhólms á Selströnd í Steingrímsfirði, þar sem heitir Helganes, þ.e. nesið vestan við höfnina niður af Gautshamri. Þar reisti hann snoturt timburhús og keypti trillu, sem hann gerði út þaðan. Jafnframt stundaði hann fiskvinnu í Hamarsbæli. Árið 1942 fluttu þau frá Helganesi til Byrgisvíkur.¹Guðmundur Guðni Guðmundsson (1991, 14. júlí). Auðunn Árnason – Sigríður Guðmundsdóttir – Hjónaminning. Morgunlaðið, 79. árg., 157. tbl., bls. 24 C.

Eftir það voru þau Ólafur Jóhannsson (1908-1964) og Kristjana Halldórsdóttir (1905-1982) kona hans í Helganesi til ársins 1945. Þá koma hjónin Sigurður Guðmonsson (1904-1981) og Hallbjörg Jónsdóttir (1909-1987) að Helganesi, en búa þar ekki lengi, því þegar aflabrögð fóru að tregast fluttu þau til Akraness árið 1947. Þá er húsið flutt frá Helganesi og út að Sæbóli og í því búa þar Einar Jakob Jónsson (1914-2007) og Hólmfríður Pálmadóttir (1919-2010).²Björn H. Björnsson (2012, 1. júní). Um húsagang við Húnaflóa, bls. 35. Strandapósturinn, 44. árg., bls. 31-36; Pétur Þ. Ingjaldsson (1982, 1. maí). Mannalát 1981. Sigurður Kristján Guðmonsson, bls. 179-181. Húnavaka, 22. árg., bls. 155-185.

Sæból var um 200 til 300 m austan við Fiskines á Selströnd. Meðan Hólmfríður og Einar bjuggu á Sæbóli stundaði Einar bæði búskap og sjómennsku. Þau fluttu á Drangsnes árið 1965.³Minning: Einar Jakob Jónsson (2007, 26. janúar). Morgunblaðið, 95. árg., 25. tbl., bls. 40.

Höfundur hefur ekki upplýsingar um hvenær Sæból hvarf af sjónarsviðinu.

Leitarorð: Strandir – Steingrímsfjörður

Höfundur: Guðlaug Vilbogadóttir.
Síðast uppfært 1. desember, 2025

Heimildaskrá

• 1
  Guðmundur Guðni Guðmundsson (1991, 14. júlí). Auðunn Árnason – Sigríður Guðmundsdóttir – Hjónaminning. Morgunlaðið, 79. árg., 157. tbl., bls. 24 C.
• 2
  Björn H. Björnsson (2012, 1. júní). Um húsagang við Húnaflóa, bls. 35. Strandapósturinn, 44. árg., bls. 31-36; Pétur Þ. Ingjaldsson (1982, 1. maí). Mannalát 1981. Sigurður Kristján Guðmonsson, bls. 179-181. Húnavaka, 22. árg., bls. 155-185.
• 3
  Minning: Einar Jakob Jónsson (2007, 26. janúar). Morgunblaðið, 95. árg., 25. tbl., bls. 40.