Presthúsabraut 26, Akranesi

Blómsturvellir, Presthúsabraut 26, Akranesi, í júní 2025. Ljósm.: Höfundur.

Í fasteignaskrá er húsið Blómsturvellir á Akranesi sagt byggt árið 1908. Hins vegar kemur fram í grein Ólafs B. Björnssonar frá 1959 að Hermann Þorvaldsson (1872-1960) hafi byggt húsið árið 1901. Árið 1906 seldi hann Sigurbirni Jónssyni (1865-1952) húsið og bjó hann þar til dauðadags, 26. október 1952, ásamt eiginkonu sinni, Sigríði Kristjánsdóttur (1860-1937), og fjórum börnum, þar af einum fóstursyni.

Sigurbjörn stækkaði húsið nokkuð og setti á það ris, en upphaflega var það með flötu þaki. Hafi þessi breyting verið gerð árið 1908 skýrir það hið skráða byggingarár í fasteignaskrá.

Hjónin Magnús E. Sigurðsson (1890-1974) og Þórunn Björnsdóttir (1885-1970) keyptu Blómsturvelli af dánarbúi Sigurbjarnar árið 1953. Þau endurbættu húsið mikið meðan þau áttu það, bæði að utan og innan.¹Ólafur B. Björnsson (1959, 1. janúar). Hversu Akranes byggðist. 5. kafli. – 1901-1925. – Vorhugur og vélaöld gengur í garð. Akranes, 18. árg., 1. tbl., bls. 46-51.

Húsið var skráð við Kirkjubraut 49 á Akranesi. Um 1960 var það flutt að Presthúsabraut 26, þar sem það stendur enn og ber enn nafnið Blómsturvellir.

Höfundur: Guðlaug Vilbogadóttir.
Síðast uppfært 12. júlí, 2025

Heimildaskrá

• 1
  Ólafur B. Björnsson (1959, 1. janúar). Hversu Akranes byggðist. 5. kafli. – 1901-1925. – Vorhugur og vélaöld gengur í garð. Akranes, 18. árg., 1. tbl., bls. 46-51.