Norðurvegur 3, Ísafirði

Ásmundur Sigurðsson, sem ættaður var frá Reyðarfirði, var beykir í Hæstakaupstað á Ísafirði og einn fyrsti iðnaðarmaður á Ísafirði. Hann byggði hús þetta árið 1853 við Mjógötu og hefur hann þá líklega verið nýfluttur til Ísafjarðar. Fyrsta prentsmiðja Ísfirðinga var í upphafi sett niður í þessu húsi árið 1885, en var síðar flutt í hús við Pólgötu.¹Jón Þ. Þór (1984). Saga Ísafjarðar og Eyrarhrepps hins forna. I. bindi. Fram til árins 1866, bls. 218. Ísafirði: Sögufélag Ísfirðinga; Elísabet Gunnarsdóttir og Jóna Símonía Bjarnadóttir (ódags.). Skutulsfjarðareyri. Húsakönnun á Ísafirði 1992-3, bls. 108. Handrit. Sótt 30. október 2023 af https://husaskraning.minjastofnun.is/Husakonnun_146.pdf; Jón Þ. Þór (1986). Saga Ísafjarðar og Eyrarhrepps hins forna. II. bindi. Félags- og menningarsaga 1867-1920, bls. 68 og 178. Ísafirði: Sögufélag Ísfirðinga. „Heimildum ber saman um, að pressan hafi verið gömul og slitin og letrið afar fáskrúðugt.“²Jón Þ. Þór (1986), bls. 178. Það var þó ekki fyrr en 30. október árið eftir að fyrsti ísfirski prent­gripurinn leit dagsins ljós, 1. tbl. Þjóðviljans, því fyrr fékkst ekki leyfi til að starfrækja prentsmiðjuna.³Jón Þ. Þór (1986), bls. 178-184.

Í Húsakönnun sem gerð var á Ísafirði 1992-3 segir þetta um húsið:

Árið 1916 er húsið einlyft timburhús með risi og kjallara, klætt 33mm borðum. Áfastir skúrar við norðurgafl og miðhlið. …
Stærð: 338 m3 og 136,5 m2.⁴Elísabet Gunnarsdóttir og Jóna Símonía Bjarnadóttir (ódags.), bls. 108.

Húsið var flutt að Norðurvegi 3 á Ísafirði árið 1942. Þá var byggð forstofa við húsið og það múrhúðað.⁵Elísabet Gunnarsdóttir og Jóna Símonía Bjarnadóttir (ódags.), bls. 108 Þar stendur húsið enn.

Höfundur: Guðlaug Vilbogadóttir.
Síðast uppfært 13. desember, 2023

Heimildaskrá

• 1
  Jón Þ. Þór (1984). Saga Ísafjarðar og Eyrarhrepps hins forna. I. bindi. Fram til árins 1866, bls. 218. Ísafirði: Sögufélag Ísfirðinga; Elísabet Gunnarsdóttir og Jóna Símonía Bjarnadóttir (ódags.). Skutulsfjarðareyri. Húsakönnun á Ísafirði 1992-3, bls. 108. Handrit. Sótt 30. október 2023 af https://husaskraning.minjastofnun.is/Husakonnun_146.pdf; Jón Þ. Þór (1986). Saga Ísafjarðar og Eyrarhrepps hins forna. II. bindi. Félags- og menningarsaga 1867-1920, bls. 68 og 178. Ísafirði: Sögufélag Ísfirðinga.
• 2
  Jón Þ. Þór (1986), bls. 178.
• 3
  Jón Þ. Þór (1986), bls. 178-184.
• 4
  Elísabet Gunnarsdóttir og Jóna Símonía Bjarnadóttir (ódags.), bls. 108.
• 5
  Elísabet Gunnarsdóttir og Jóna Símonía Bjarnadóttir (ódags.), bls. 108