Siglufjörður 1888. Naustið er númer 4, neðan til á Eyrinni. Hús nr. 6 er merkt Salthús. E.t.v. var Naustið flutt þangað. Skipulagsstofnun. Sótt 29. júlí 2025 af https://www.facebook.com/photo/?fbid=5245731705455715&set=pcb.5245731798789039.
Siglufjörður 1888. Naustið er númer 4, neðan til á Eyrinni. Hús nr. 6 er merkt Salthús. E.t.v. var Naustið flutt þangað. Skipulagsstofnun. Sótt 29. júlí 2025 af https://www.facebook.com/photo/?fbid=5245731705455715&set=pcb.5245731798789039.

Naustið, Siglufirði

Heiti: Naustið - Naust
Byggingarár: ≈1887
Brann: >1900
Upphafleg notkun: Gisti- og íbúðarhús
Fyrsti eigandi: Gránufélagið ?
Upphafleg staðsetning: Neðan til á Eyrinni á Siglufirði
Flutt: >1897 að Tjarnargötu við salthús Gránufélagsins

Saga:

Um Naustið á Siglufirði segir séra Bjarni Þorsteinsson í Aldarminningu sinni:

Árið 1887 (eða rjett þar á undan) var byggt lítið timburhús neðan til á Eyrinni og kallað Naustið; var ætlazt svo til, að þar gæti aðkomandi sjómenn fengið næturgistingu, en ein fjölskylda gæti þó búið í húsinu. Þetta ár, 1887, er fyrst búið í þessu húsi og er þar þá Guðrún Árnadóttir ekkja frá Ráeyri. Síðan bjuggu þar ýmsir: Gunnar Gunnarsson, Jón Jóhannesson, Jakob Jakobsson o. fl. Eptir 1897 býr enginn í húsinu, og skömmu síðar er það flutt suður að salthúsi Gránufjelagsins og þar mun það hafa brunnið ásamt salthúsinu eptir aldamótin.1Bjarni Þorsteinsson (1918). Siglufjarðarverzlunarstaður hundrað ára 1818 – 20. maí – 1918. Aldar­minning. Ágrip af sögu kauptúns og sveitar, bls. 60. Reykjavík: Gutenberg.

Sigurjón Sigtryggsson taldi að húsið hafi verið byggt á vegum Gránufélagsins. Hann sagði þetta um Naustið:

Óvíst er hvernig fór með gistingarnar, en þarna bjuggu oftast tvær fjölskyldur. Eftir 1897 var ekki búið þar, en það var litlu síðar flutt suður að salthúsi Gránufélagsins, og þar brann það skömmu eftir aldamótin.
Húsið var kallað Naust. Lengst bjuggu þar Jakob Jakobsson frá Hóli og kona hans, Anna Jónsdóttir, 1890-1895, og Ásgrímur Þorsteinsson og Guðrún Pálsdóttir 1892-1896.2Sigurjón Sigtryggsson (1986). Frá Hvanndölum til Úlfsdala. Þættir úr sögu Hvanneyrarhrepps. 3 bindi, bls. 866-867. Reykjavík: Sögusteinn.

Í manntali frá 1890 sést að í húsinu eru 11 skráð þar til heimilis, m.a. Jakob (f. 1859) og Anna Kristbjörg (f. 1863) kona hans ásamt þremur börnum þeirra.3Miðstöð stafrænna hugvísinda og lista. (2025). Naust, Hvanneyrarsókn, Hvanneyrarhreppi í Eyjafjarðarsýslu. Sögulegt mann- og bæjatal, útg. 1.0. Sótt 29. júlí 2025 frá https://smb.mshl.is/baer/18412. Í Íslendingabók er Jakob skráður Þorleifur Jakob Jakobsson Petersen, fæddur 12. júní 1857. Um hann segir:

Var í Höfðahólum, Spákonufellssókn, Hún. 1860. Var á Hóli 1, Hvanneyrarsókn í Siglufirði, Eyj. 1870. Sjómaður á Grund, Hvanneyrarsókn, Eyj. 1901. Fór til Vesturheims 1903 frá Siglufirði, Hvanneyrarhreppi, Eyj. Smiður í Humboldt, Saskatchewan, Kanada 1916,4Íslendingabók. Sótt 29. júlí 2025 af https://islendingabok.is/search.

Anna kona Jakobs fór með honum vestur um haf.5Íslendingabók. Sótt 29. júlí 2025 af https://islendingabok.is/search.

 

Höfundur: Guðlaug Vilbogadóttir.
Síðast uppfært 29. júlí, 2025

Heimildaskrá

  • 1
    Bjarni Þorsteinsson (1918). Siglufjarðarverzlunarstaður hundrað ára 1818 – 20. maí – 1918. Aldar­minning. Ágrip af sögu kauptúns og sveitar, bls. 60. Reykjavík: Gutenberg.
  • 2
    Sigurjón Sigtryggsson (1986). Frá Hvanndölum til Úlfsdala. Þættir úr sögu Hvanneyrarhrepps. 3 bindi, bls. 866-867. Reykjavík: Sögusteinn.
  • 3
    Miðstöð stafrænna hugvísinda og lista. (2025). Naust, Hvanneyrarsókn, Hvanneyrarhreppi í Eyjafjarðarsýslu. Sögulegt mann- og bæjatal, útg. 1.0. Sótt 29. júlí 2025 frá https://smb.mshl.is/baer/18412.
  • 4
    Íslendingabók. Sótt 29. júlí 2025 af https://islendingabok.is/search.
  • 5
    Íslendingabók. Sótt 29. júlí 2025 af https://islendingabok.is/search.

Deila færslu

Höfundur: Guðlaug Vilbogadóttir.
Síðast uppfært 29. júlí, 2025