Hringbraut 51, Hafnarfirði

Árið 1915 fékk Hinrik A. Hansen (1859-1940), bóndi og sjómaður, Ásgeir G. Stefánsson (1890-1965) yfirsmið til að byggja fyrir sig nýtt íbúðarhús á jörð sinni Jófríðarstöðum í Hafnarfirði. Í nóvember það ár gengu dóttir hans, Helga Steinunn (1889-1916), og Guðmundur Jónsson (1890-1957) í hjónaband og hélt faðir brúðarinnar veglega brúðkaupsveislu á Jófríðarstöðum. Helga lést af barnsförum árið eftir. Eiginkona Hinriks var þá Signý Ólafsdóttir (f. 1854). Hún andaðist árið 1919 og tveimur árum síðar brá Hinrik búi á Jófríðarstöðum. Eignaðist þá kaþólska trúboðið jörðina og húsið sem markaði upphaf að umfangsmiklu starfi kaþólska safnaðarins í Hafnarfirði. Rauða húsið, eins og sumir kölluðu það, var prestsbústaður og þurfti að víkja þegar St. Jósefskirkja var byggð 1991.¹Gifting (1915, 28. nóvember). Morgunblaðið, 3. árg., 28. tbl., bls. 6;  Morgunblaðið (1916, 4. apríl). 3. árg., 152. tbl., bls. 1; Hinrik A. Hansen (1940, 13. janúar). Vísir, 30. árg., 10. tbl., bls. 3; Sigurður H. Þorsteinsson (2003, 18. desember). Kaþólskt trúboð í Hafnarfirði. Fjarðarpósturinn, 21. árg., 49. tbl., bls. 18-19.

Húsið var þá flutt að Hringbraut 51 í Hafnarfirði, þar sem það stendur enn og er málað rautt (í apríl 2024).

Leitarorð: Hafnarfjörður

Höfundur: Guðlaug Vilbogadóttir.
Síðast uppfært 6. júní, 2024

Heimildaskrá

• 1
  Gifting (1915, 28. nóvember). Morgunblaðið, 3. árg., 28. tbl., bls. 6;  Morgunblaðið (1916, 4. apríl). 3. árg., 152. tbl., bls. 1; Hinrik A. Hansen (1940, 13. janúar). Vísir, 30. árg., 10. tbl., bls. 3; Sigurður H. Þorsteinsson (2003, 18. desember). Kaþólskt trúboð í Hafnarfirði. Fjarðarpósturinn, 21. árg., 49. tbl., bls. 18-19.