Fjarðarbraut 37a, Stöðvarfirði

Stöð í Stöðvarfirði er gamall kirkjustaður og prestssetur og er talið að kirkja hafi fyrst verið reist á staðnum í kringum 1300. Síðasti prestur sat þar til 1905. Kirkjan, sem þá var á staðnum, hafði verið byggt árið 1879 og var síðar flutt í þorpið, Stöðvarfjörð, og jafnframt endur byggð í kringum 1925. Kirkjan var síðan afhelguð árið 1991, en nú er þar rekið gistihús, en ný kirkja byggð í þorpinu.¹Gagngerar og tímabærar endurbætur (2022, 1. maí). Bautasteinn, 27. árg., 1. tbl., bls. 18.

Þegar kirkjan var flutt úr Stöð þá var hún endurbyggð og bætt við forkirkju og turni og í henni var söngloft fyrir kirkjukórinn. Til upphitunar var fyrst stór kolaofn og nýtt orgel var keypt í kirkjuna.²Hlynur Ármannsson (2026, 18. febrúar). Sótt 19. mars 2026 af Saga Stöðvarfjarðar | Facebook.

Yfirsmiður var Hóseas Björnsson.³Rósa Þórunn Hannesdóttir (2013). Endurnýting á kirkjubyggingum, bls. 20. Listaháskóli Íslands. Arkitektúr.

Árið 1991 var vígð ný kirkja á Stöðvarfirði og sama ár var gamla kirkjan afhelguð.⁴Þjóðkirkjan. Stöðvarfjarðarkirkja. Sótt 21. mars 2026 af  Stöðvarfjarðarkirkja – Þjóðkirkjan. Gamla kirkjan er nú skráð sem Fjarðarbraut 37a á Stöðvarfirði.

Árið 1997 keyptu einkaaðilar kirkjuna, þeir Birgir Albertsson, Jón Karl Helgason og Þórir Jónsson Hraundal. Hefur hún verið notuð til leigu fyrir ferðamenn að gista í og sumarbústaður eigenda. Síðan 1997 hafa einhver eigendaskipti orðið á húsinu.⁵Sofið á kórloftinu – spjallað úr stólnum (1999, 19. febrúar). Morgunblaðið, 87. árg., 41. tbl., bls. 13.

Stöðvarfjarðarkirkja gamla. Ljósm.: Hlynur Ármannsson. Sótt 21. mars 2026 af https://www.facebook.com/photo/?fbid=1687679459277889&set=pcb.1259334889430571.

Árið 2013 lýsti Rósa Þórunn Hannesdóttir gistiheimilinu m.a. þannig:

Norðanmegin í kirkjuskipinu, undir loftinu, var stúkað af lítil snyrting. Lítil eldhúsaðstaða var svo sett upp við hina hlið snyrtingarinnar inn af kirkjuskipinu. Altari og predikunarstóll eru ennþá á sínum stað í kirkjunni en bekkir kirkjunnar voru hinsvegar losaðir. Þó standa ennþá þrír af þeim við eldhúsborð gistiheimilisins. Rúm eru uppi á kirkjulofti og er þar svefnpláss fyrir 5 manns, einnig er svefnsófi á neðrihæð. Pallur var að auki byggður fyrir framan forkirkjuna til að skapa útirými.⁶Rósa Þórunn Hannesdóttir (2013), bls. 21.

Hér má lesa viðtal við einn eiganda hússins: „Það er örugglega heilmikið líf þarna uppfrá“

Höfundur: Guðlaug Vilbogadóttir.
Síðast uppfært 21. mars, 2026

Heimildaskrá

• 1
  Gagngerar og tímabærar endurbætur (2022, 1. maí). Bautasteinn, 27. árg., 1. tbl., bls. 18.
• 2
  Hlynur Ármannsson (2026, 18. febrúar). Sótt 19. mars 2026 af Saga Stöðvarfjarðar | Facebook.
• 3
  Rósa Þórunn Hannesdóttir (2013). Endurnýting á kirkjubyggingum, bls. 20. Listaháskóli Íslands. Arkitektúr.
• 4
  Þjóðkirkjan. Stöðvarfjarðarkirkja. Sótt 21. mars 2026 af  Stöðvarfjarðarkirkja – Þjóðkirkjan.
• 5
  Sofið á kórloftinu – spjallað úr stólnum (1999, 19. febrúar). Morgunblaðið, 87. árg., 41. tbl., bls. 13.
• 6
  Rósa Þórunn Hannesdóttir (2013), bls. 21.