Eyri, Ingólfsfirði

Sveinn Björnsson tók lóð á leigu á svonefndri Valleyri við vestanverðan Ingólfsfjörð árið 1916. Hann framseldi síðan leiguna til norska síldarkaupmannsins Hans Langvad frá Álasundi. Hann kom til landsins samsumars, byggði söltunarstöð í miklum flýti og hóf að salta síld. Jafnframt byggði hann íbúðarhús fyrir söltunarfólkið sitt. Langvad stóð þó ekki lengi við því sumurin 1918 og 1919 rak Guðmundur Kristjánsson skipamiðlari stöðina, en um söltunina fyrir hann sá Jónas Sveinsson síðar læknir.

Eyri í júlí 2010. Ljósm.: Höfundur.

Íveruhúsið var flutt inn á Eyri árið 1929 og er enn nýtt sem íbúðarhús, en merki húsgrunnsins sjást enn á Valleyri.¹Hreinn Ragnarsson (2007). Söltunarstaðir á 20. öld. Í Hreinn Ragnarsson og Steinar J. Lúðvíksson (ritstjórar), Silfur hafsins. Gull Íslands. Síldarsaga Íslendinga, bls. 290. 2. bindi, bls. 281-360. Reykjavík: Nesútgáfan; Þorsteinn Matthíasson (1973). Hrundar borgir. Djúpavík, Ingólfsfjörður og Gjögur, bls. 163. [Reykjavík:] Bókamiðstöðin; Haukur Jóhannesson (2000). Lesið í landið í Árneshreppi á Ströndum, bls. 98. Í Hjalti Kristgeirsson (ritstjóri), Í strandbyggðum norðan lands og vestan. Árbók Ferðafélags Íslands 2000, bls. 45-117. Reykjavík: Ferðafélag Íslands. Það var Guðjón Guðmundsson hreppsstjóri Árnes­hrepps sem flutti húsið og bjó hann í því til dauðadags árið 1971. Guðjón klæddi húsið með bárujárni en eftir 1950 var húsið múrhúðað að utan.²Ólafur Ingólfsson (1997, 27. janúar). Bréf til Húsafriðunarnefndar. Verknr. 2112 í gagnasafni Húsafriðunarnefndar. Nú hefur aftur verið sett bárujárn á húsið.

Leitarorð: Ingólfsfjörður

Höfundur: Guðlaug Vilbogadóttir.
Síðast uppfært 28. desember, 2023

Heimildaskrá

• 1
  Hreinn Ragnarsson (2007). Söltunarstaðir á 20. öld. Í Hreinn Ragnarsson og Steinar J. Lúðvíksson (ritstjórar), Silfur hafsins. Gull Íslands. Síldarsaga Íslendinga, bls. 290. 2. bindi, bls. 281-360. Reykjavík: Nesútgáfan; Þorsteinn Matthíasson (1973). Hrundar borgir. Djúpavík, Ingólfsfjörður og Gjögur, bls. 163. [Reykjavík:] Bókamiðstöðin; Haukur Jóhannesson (2000). Lesið í landið í Árneshreppi á Ströndum, bls. 98. Í Hjalti Kristgeirsson (ritstjóri), Í strandbyggðum norðan lands og vestan. Árbók Ferðafélags Íslands 2000, bls. 45-117. Reykjavík: Ferðafélag Íslands.
• 2
  Ólafur Ingólfsson (1997, 27. janúar). Bréf til Húsafriðunarnefndar. Verknr. 2112 í gagnasafni Húsafriðunarnefndar.