Baulhús, Eskifirði

Hús þetta byggði Jón Magnússon snikkari á Eskifirði fyrir Tryggva Hallgrímsson póst um 1900, sem þá hafði nýhafið búskap á Borgum í Eskifirði. Borgir voru í Eskifjarðardal fyrir botni Eskifjarðar, sunnan Eskifjarðarár.¹Eskja 1. Örnefni við Eskifjörð. Sögur og sagnir af örnefnasvæðinu (1971). Sögurit Eskfirðinga I. bindi, bls. 106 og 190. Einar Bragi Sigurðsson sá um útgáfuna. Eskifirði: Byggða­sögu­nefnd Eskifjarðar.

Tryggvi var póstur milli Hornafjarðar og Eskifjarðar 1896-1903²Eskja 1 (1971), bls. 107.

Tryggvi flutti húsið út að Baulhúsum árið 1909, „þegar hann varð að flýja Borgir vegna skriðufalla“.³Eskja 1 (1971), bls. 106. Þá féll mikil skriða úr Skriðugili ofan við bæinn, sem spillti túni. Þegar Tryggvi flutti að Baulhúsum höfðu þau verið í eyði frá 1845. Tryggvi bjó á Baulhúsum til ársins 1916. Þá tók síðasti ábúandinn við, Jón Kr. Jónsson skraddari við og bjó þar í eitt ár.⁴Hjörleifur Guttormsson (2005). Austfirðir frá Reyðarfirði til Seyðisfjarðar. Árbók Ferðafélag Íslands 2005, bls. 45. Reykjavík: Ferðafélag Íslands; Eskja 1 (1971), bls. 123. Baulhús eru við utanverðan Eskifjörð sunnanverðan.

Leitarorð: Eskifjörður

Höfundur: Guðlaug Vilbogadóttir.
Síðast uppfært 12. apríl, 2024

Heimildaskrá

• 1
  Eskja 1. Örnefni við Eskifjörð. Sögur og sagnir af örnefnasvæðinu (1971). Sögurit Eskfirðinga I. bindi, bls. 106 og 190. Einar Bragi Sigurðsson sá um útgáfuna. Eskifirði: Byggða­sögu­nefnd Eskifjarðar.
• 2
  Eskja 1 (1971), bls. 107.
• 3
  Eskja 1 (1971), bls. 106.
• 4
  Hjörleifur Guttormsson (2005). Austfirðir frá Reyðarfirði til Seyðisfjarðar. Árbók Ferðafélag Íslands 2005, bls. 45. Reykjavík: Ferðafélag Íslands; Eskja 1 (1971), bls. 123.