Aðalstræti 3, Patreksfirði

Árið 1896 keypti félagið P. J. Thorsteinsson og Co. alla kaupstaðarlóðina á Vatneyri á Patreks­firði ásamt öðrum eignum Sigurðar Bachmanns kaupmanns. Sigurður undanskildi þó svonefnda Kampen­borgarlóð handa sjálfum sér. Við kaupin var Páli N. Christiansen gert að flytja burt hús sitt, sem hann hafði byggt neðst á Vatneyri árið áður.¹Guðjón Friðriksson (1973). Upphaf þorps á Patreksfirði, bls. 92-94. Ársrit Sögufélags Ísfirðinga, 17, bls. 88-143; Guðjón Friðriksson (1974). Upphaf þorps á Patreksfirði. Síðari hluti, bls. 101. Ársrit Sögufélags Ísfirðinga, 18, bls. 65-110.

Ætlunin var að flytja það upp á Klampenborgarlóð, en það komst ekki nema 3 lengdir sínar. Keypti þá verzlunin húsið af Páli og kom því fyrir neðan stóra íbúðarhússins, sem Sigurður Backmann var nýbúinn að byggja og síðar var faktorshús.²Guðjón Friðriksson (1974), bls. 101-102.

Hús Páls Færeyings (Aðalstræti 3), eins og hann var ætíð kallaður, var tvílyft og í því bjuggu þrjár fjölskyldur.  Páll hafði komið til Patreksfjarðar sem skipstjóri árið 1894, en starfaði sem járnsmiður við Vatn­eyrar­verslunina og var talinn þúsundþjalasmiður.³Guðjón Friðriksson (1974), bls. 126 og 135.

Halldór Bjarnason sýslumaður bjó í húsinu 1899-1905 en þá flyst í það Benedikt Sigmundsson verslunarmaður og var þá húsið nefnt eftir honum.

Síðar var húsið lengi símstöð og íbúð símstöðvarstjóra, en svo var  bifreiðaverkstæði í húsinu með innkeyrsludyrum á suðvesturgafli. Stór hluti þakhæðar var þá fjarlægður til að pláss væri fyrir bílalyftu og fyllt var upp í kjallara.⁴Gingi teiknistofa (2019). Vatneyri húsakönnun. Greinagerð ágúst 2019. Sótt 14. nóvember 2023 af https://husaskraning.minjastofnun.is/Husakonnun_142.pdf. Um 2020 flutti verkstæðið úr húsinu og var þá hafist handa við endurbætur á húsinu þar sem höfð var hliðsjón af aldri og gerð hússins og er nú rekið þar gistihús.

Leitarorð: Patreksfjörður

Höfundur: Guðlaug Vilbogadóttir.
Síðast uppfært 16. september, 2025

Heimildaskrá

• 1
  Guðjón Friðriksson (1973). Upphaf þorps á Patreksfirði, bls. 92-94. Ársrit Sögufélags Ísfirðinga, 17, bls. 88-143; Guðjón Friðriksson (1974). Upphaf þorps á Patreksfirði. Síðari hluti, bls. 101. Ársrit Sögufélags Ísfirðinga, 18, bls. 65-110.
• 2
  Guðjón Friðriksson (1974), bls. 101-102.
• 3
  Guðjón Friðriksson (1974), bls. 126 og 135.
• 4
  Gingi teiknistofa (2019). Vatneyri húsakönnun. Greinagerð ágúst 2019. Sótt 14. nóvember 2023 af https://husaskraning.minjastofnun.is/Husakonnun_142.pdf.