Aðalstræti 2, Reykjavík

Til nánari upplýsinga um hús þetta, er vísað í grein um verslunarhúsin í Hólminum og finna má hér.

Árið 1774 fór fram virðingargerð á verslunarhúsunum í Hólmshöfn í Örfirisey. Þá voru þar fimm hús.¹Guðný Gerður Gunnarsdóttir og Hjörleifur Stefánsson (1987). Kvosin. Byggingarsaga miðbæjar Reykjavíkur, bls. 33. Reykjavík: Torfusamtökin. Eitt þeirra var

byggt „á norska vísu“ og með tvöföldu þaki. Með norsku byggingarlagi er að öllum líkindum átt við hús sem gert er úr tréstokkum, annað hvort svokallað stokkahús eða bolhús.²Fjallað er um þessar húsagerðir í köflum 3, 3.1. og 3.2. í MA-ritgerðinni „Með hús í farangrinum“, sem finna má hér.
Hús þetta er sagt hafa verið flutt frá Reykjavík árið 1768 og endurbyggt í Hólminum. Það var 18½ alin á lengd, 12¾ álnir á breidd og 11½ alin á hæðina. Lengdin var 12 stafgólf og höfðu fimm þeirra verið innréttuð sem verslun árið 1774. Hinn hluti hússins var 7 stafgólf, tvö herbergi, eldhús og forstofa. Loft var yfir öllu húsinu. Tveir stigar voru til loftsins, annar úr versluninni en hinn úr ganginum. Þetta hús hefur þá verið langbesta hús staðarins enda var það metið 480 ríkisdala virði, en öll hús staðarins voru talin virði 632 ríkisdala.³Guðný Gerður Gunnarsdóttir og Hjörleifur Stefánsson (1987), bls. 33-34.

Eins og fram kemur í umfjöllun um verslunarhúsin í Hólminum er talið að fjögur þessara húsa hafi verið flutt til Reykjavíkur á árunum 1779-80. Ekki er ólíklegt að þetta hús hafi verið meðal þeirra, því þetta var það hús í Hólminum sem var í bestu ástandi.

Höfundur: Guðlaug Vilbogadóttir.
Síðast uppfært 31. mars, 2024

Heimildaskrá

• 1
  Guðný Gerður Gunnarsdóttir og Hjörleifur Stefánsson (1987). Kvosin. Byggingarsaga miðbæjar Reykjavíkur, bls. 33. Reykjavík: Torfusamtökin.
• 2
  Fjallað er um þessar húsagerðir í köflum 3, 3.1. og 3.2. í MA-ritgerðinni „Með hús í farangrinum“, sem finna má hér.
• 3
  Guðný Gerður Gunnarsdóttir og Hjörleifur Stefánsson (1987), bls. 33-34.