Sólvellir 8, Stokkseyri

„Aftanköld er upphaflega skemma, er Jón Adólfsson í Grímsfjósum byggði aftan við bæinn á Stokkseyri á árunum 1860-65, þá er hann fór að verzla, sem stóð þó í skamma hríð. Nafnið var dregið af staðsetningu skemmunnar og því, að húsið þótti kalt. Það kemur fyrst fyrir í húsvitjun árið 1884 og bjó þar þá og lengi síðan Einar Ólafsson, áður bóndi á Grjótlæk. Árið 1900 skírði hann bæ sinn upp og kallaði Varmadal.“¹Guðni Jónsson (1952). Bólstaðir og búendur í Stokkseyrarhreppi, bls. 378. Reykjavík: Stokkseyringafélagið í Reykjavík.

Varmidalur brann í Stokkseyrarbrunanum mikla árið 1926 og var þá byggt nýtt íbúðarhús. Aftanköld eða Varmidalur stóð þar sem í dag (2026) er bílastæði milli húsanna númer 6 og 10 við Hafnargötu, austan við frystihúsið Hólmaröst, þar sem nú (2026) er rekin Menningarverstöð.²Edda Linn Rise, Guðlaug Vilbogadóttir og Guðný Zoëga (2005, júlí). Fornleifaskráning vegna deiliskipulags við Hafnargötu á Stokkseyri, bls. 16-17. Eyrarbakka: Byggðasafn Árnesinga.

Árið 1983 var Varmidalur fluttur á lóðina númer 8 við Sólvelli á Stokkseyri. Um þann flutning sá Sigurjón Jónsson smiður. Þá var einnig byggt við húsið. Þar stendur húsið enn og hefur núverandi eigandi, Hlynur Óskarsson, byggt aftur við það.³Guðmundur L. Hafsteinsson (2010). Stokkseyri. Byggða- og húsakönnun 2010, bls. 38. Sveitarfélagið Árborg; Hlynur Óskarsson (2026, 24. júní). Tölvupóstur.

Höfundur: Guðlaug Vilbogadóttir.
Síðast uppfært 27. júlí, 2026

Heimildaskrá

• 1
  Guðni Jónsson (1952). Bólstaðir og búendur í Stokkseyrarhreppi, bls. 378. Reykjavík: Stokkseyringafélagið í Reykjavík. ↩︎
• 2
  Edda Linn Rise, Guðlaug Vilbogadóttir og Guðný Zoëga (2005, júlí). Fornleifaskráning vegna deiliskipulags við Hafnargötu á Stokkseyri, bls. 16-17. Eyrarbakka: Byggðasafn Árnesinga. ↩︎
• 3
  Guðmundur L. Hafsteinsson (2010). Stokkseyri. Byggða- og húsakönnun 2010, bls. 38. Sveitarfélagið Árborg; Hlynur Óskarsson (2026, 24. júní). Tölvupóstur. ↩︎