Brimnesgerði, Fáskrúðsfirði

Í Sóknarmanntali Kolfreyjustaðarsóknar árið 1925 er í fyrsta sinn skráðir íbúar í húsinu Hamborg í Fáskrúðsfirði. Það var Finnbogi Jóhann Indriðason (1897-1970) og Björg Lilja Jónsdóttir (1909-2002) ráðskona hans. Þau gengu síðar í hjónaband og eignuðust börn.

Síðasta árið sem íbúar eru skráðir í Hamborg er 1932 og búa þau Jóhann og Björg þar enn og eru nú börn þeirra orðin fimm. Önnur fjölskylda býr einnig í húsinu og eru þar alls skráðir 14 til heimilis.¹Þjóðskjalasafn Íslands. Sóknarmanntöl. Hamborg. Kolfreyjustaðarsókn.

Árið 1933 fluttu þau hjón Jóhann og Björg með fjölskyldu sína til Akureyrar.²Minning: Freyja Jóhannsdóttir (2012, 24. maí). Morgunblaðið, 100. árg., 121. tbl., bls. 26.

Hamborg stóð neðan við húsið sem nú er númer 10a við Búðaveg (Baldurshaga) á Fáskrúðsfirði og innan við Templarann sem er við Búðaveg 8.³Kristín Ágústsdóttir (2005, október). Byggingarár húsa á Búðum í Fáskrúðsfirði, bls. 12. Unnið fyrir Veðurstofu Íslands. Neskaupstað: Náttúrustofa.

Árið 1936 var húsið flutt í Brimnesgerði, sem er um 5 km austan við ystu hús í Fáskrúðsfjarðarþorpi. Þar hafði íbúðarhúsið brunnið og gripið var til þess ráðs að flytja Hamborg á grunn hússins sem brann, en hann var úr höggnu steinlímdu grjóti. Þá voru hjónin Árni Gíslason (1893-1965) og Jónína Sigurðardóttir (1886-1957) ábúendur í Brimnesgerði. Þegar Árni féll frá árið 1965 tók sonur hans, Gunnlaugur (1919-1995) við búinu. Hann bjó í Brimnesgerði til ársins 1993 þegar hann fór á elliheimili og fór þá jörðin í eyði. Um áratug síðar brann húsið.⁴Albert Eiríksson (2009, 1. júlí). Sigurrós í Brimnesgerði. Franskir dagar, bls. 6-7; Sveitir og jarðir í Múlaþingi. III. bindi (1976). Brimnesgerði, bls. 210-212. Búnaðarsamband Austurlands; Albert Eiríksson (2026, 17. apríl). Munnleg heimild.

Brimnesgerði í Fáskrúðsfirði um 1975. Ekki verður betur séð en húsið sé klætt svokölluðu steinblikki. Ljósm.: Vilberg Guðnason. Heimild: Sveitir og jarðir í Múlaþingi. III. bindi (1976). Brimnesgerði, bls. 211. Búnaðarsamband Austurlands

Leitarorð: Fáskrúðsfjörður

Höfundur: Guðlaug Vilbogadóttir.
Síðast uppfært 19. apríl, 2026

Heimildaskrá

• 1
  Þjóðskjalasafn Íslands. Sóknarmanntöl. Hamborg. Kolfreyjustaðarsókn.
• 2
  Minning: Freyja Jóhannsdóttir (2012, 24. maí). Morgunblaðið, 100. árg., 121. tbl., bls. 26.
• 3
  Kristín Ágústsdóttir (2005, október). Byggingarár húsa á Búðum í Fáskrúðsfirði, bls. 12. Unnið fyrir Veðurstofu Íslands. Neskaupstað: Náttúrustofa.
• 4
  Albert Eiríksson (2009, 1. júlí). Sigurrós í Brimnesgerði. Franskir dagar, bls. 6-7; Sveitir og jarðir í Múlaþingi. III. bindi (1976). Brimnesgerði, bls. 210-212. Búnaðarsamband Austurlands; Albert Eiríksson (2026, 17. apríl). Munnleg heimild.