Hrafnabjörg, Laugardal, Súðavíkurhreppi

Gunnarseyri í Skötufirði er spölkorn innan við túnið á Eyri í Skötufirði. Um 1906 settust hjónin Skarphéðinn Hinrik Elíasson (1861-1947) og Petrína Ásgeirsdóttir (1864-1890) þar að og byggðu lítið timburhús ásamt tengdasyni sínum Magnúsi Guðmundssyni (1869-1959) sem kvæntist Karitas (1890-1972) dóttur þeirra árið 1907. ¹Jón Páll Halldórsson (2015). Inndjúpið. Bæir og búendur í innanverðu Ísafjarðardjúpi, bls. 136. Ísafirði: Sögufélag Ísfirðinga; Ólafur Hannibalsson (2016). Djúpmannatal 1801-2011. Reykjavík: Bókaútgáfan Hólar.

Einar Magnússon (1924-2009), sonur Magnúsar og Karitasar, sagði frá foreldrum sínum í viðtali árið 2000. Þar kom m.a. eftirfarandi fram:

Þegar foreldrar mínir giftust var móðir mín langt innan við tvítugt og hann vel tuttugu árum eldri. Þetta var erfið lífsbarátta því þau eignuðust átta börn. Húsnæðið var auóvitað orðið afar þröngt og hann farinn að slá af með vinnuþrek vegna aldurs. Svo gekk þetta ekki lengur upp og þau skildu samvistum.²Árni Gunnarsson (2000, 1. nóvember). Gæfan hefur verið mér hliðholl. Rætt við Einar Magnússon, fyrrverandi sjómann, bls. 398. Heima er bezt, 50. árg., 11. tbl., bls. 397-405.

Árið 1914 flutti Skarphéðinn frá Gunnarseyri og tveimur árum síðar var húsið flutt að Hrafnabjörgum í Laugardal í Ögurhreppi.³Jón Páll Halldórsson (2015), bls. 136; Ólafur Hannibalsson (2016).

Um þetta leyti var þríbýli á Hrafnabjörgum og ekki er ljóst hver það var sem stóð fyrir flutningi hússins þangað. Ekki er heldur vitað um afdrif hússins.

Samkvæmt manntali 1920 voru eftirtalin þar húsráðendur:

• Guðmundur Bjarnason (1854-1929) og Andrea (Andrína) Kristín Benediktsdóttir (1869-1951), sem ættuð var frá Hrafnabjörgum. Þau áttu þrjú börn og auk þess bjuggu tvær aðrar konur á heimili þeirra.
• Kristján Guðmundsson (1897-1970), búfræðingur, sem bjó einn, en bústýra hans var Guðrún Jónína Jónsdóttir (1890-1989).
• Steindór Ingimar Karvelsson (1889-1934) og Sigþrúður Jakobína Halldórsdóttir (1895-1972). Þau áttu tvö ung börn. Þau voru á Hrafnabjörgum frá 1917 til 1921.⁴Ólafur Hannibalsson (2016); Sögulegt mann- og bæjatal. Manntal 1920: Hrafnabjörg, Ögursókn, Norður-Ísafjarðarsýsla. Verið getur að þau hafi flutt húsið þangað þegar þau hófu búskap þar.

Höfundur: Guðlaug Vilbogadóttir.
Síðast uppfært 7. febrúar, 2026

Heimildaskrá

• 1
  Jón Páll Halldórsson (2015). Inndjúpið. Bæir og búendur í innanverðu Ísafjarðardjúpi, bls. 136. Ísafirði: Sögufélag Ísfirðinga; Ólafur Hannibalsson (2016). Djúpmannatal 1801-2011. Reykjavík: Bókaútgáfan Hólar.
• 2
  Árni Gunnarsson (2000, 1. nóvember). Gæfan hefur verið mér hliðholl. Rætt við Einar Magnússon, fyrrverandi sjómann, bls. 398. Heima er bezt, 50. árg., 11. tbl., bls. 397-405.
• 3
  Jón Páll Halldórsson (2015), bls. 136; Ólafur Hannibalsson (2016).
• 4
  Ólafur Hannibalsson (2016); Sögulegt mann- og bæjatal. Manntal 1920: Hrafnabjörg, Ögursókn, Norður-Ísafjarðarsýsla.