Lundshús, Raufarhöfn

Árið 1860 gengu þau Þorbjörg Árnadóttir (1843-1914) og Christian Gottfred Peter Lund (1835-1896) í hjónaband. Þorbjörg var heimasæta á Ásmundarstöðum á Sléttu en hann var verslunarfulltrúi á Raufarhöfn. Fyrsta búskaparárið virðist sem þau hafi búið á Raufarhöfn, en síðan setjast þau að á Ásmundarstöðum. Þar byggja þau sér ágætt íbúðarhús, svonefnt langhús, sem líklega hefur verið úr torfi og timbri. Árið 1870 ákveða þau að flytja til Raufarhafnar með langhúsið sem þau höfðu búið í. Því var valinn staður upp af botni hafnarinnar, þar sem nú er vesturgafl þjónustuhúss Raufarhafnarkirkju. Þegar hér var komið höfðu þau eignast fjögur börn, en einn son höfðu þau misst á fjórða aldursári. Á Raufarhöfn bættust fimm börn í hópinn, en tvö þeirra dóu ung. Á Raufarhöfn stundaði Lund verslun auk hefðbundins búskapar til sjós og lands á ágætri jörð þar sem ýmis hlunnindi var að finna. Fyrstu búskaparár þeirra hafa þó eflaust verið erfið¹Lilja Laufey Davíðsdóttir og Ragnheiður Gló Gylfadóttir (2016). Aðalskráning[skráning] fornleifa í Raufarhafnarhreppi og skráning fornleifa á deiliskipulagsreit við Heimskautsgerði, bls. 26. Reykjavík: Fornleifastofnun Íslands ses.; Níels Árni Lund (2016). Sléttunga II. Safn til sögu Melrakkasléttu. Fólk og býli, bls. 267. Reykjavík: Skrudda ehf.; Níels Árni Lund (2016). Sléttunga III. Safn til sögu Melrakkasléttu. Raufarhöfn, bls. 41-43. Reykjavík: Skrudda ehf.; Minning: Rannveig Lund (1961, 15. nóvember). Tíminn, 45. árg., 291. tbl., bls. 6., en „[a]llt bjargaðist þetta þó áfram í Lundshúsinu og gott fannst fólki að eiga þar heima. Utangarðsfólk naut þar skjóls, skilnings og aðhlynningar og vinnufólk sótti í að vera þar.“²Níels Árni Lund (2016). Sléttunga III. Safn til sögu Melrakkasléttu. Raufarhöfn, bls. 42.

Þegar Lund lést árið 1896 hélt Þorbjörg áfram búskap „… með sömu reisn og áður og af þeirri bjartsýni og glaðværð sem henni var svo ríkulega í blóð borin.“³Níels Árni Lund (2016). Sléttunga III. Safn til sögu Melrakkasléttu. Raufarhöfn, bls. 44. Árið 1910 tók sonur hennar, Maríus Jóhann og Rannveig Guðrún Laxdal Lund við ábúðinni á Raufarhöfn og fjórum árum síðar andaðist Þorbjörg Lund.

Þau Maríus og Rannveig byggðu sér nýtt og glæsilegt hús árið 1911 og var þá gamla Lundshúsið nýtt sem geymsla eftir það. Mun húsið hafa verið rifið um 1930.⁴Níels Árni Lund (2016). Sléttunga III. Safn til sögu Melrakkasléttu. Raufarhöfn, bls. 44-45; Minning: Rannveig Lund (1961, 15. nóvember).

Leitarorð: Melrakkaslétta

Höfundur: Guðlaug Vilbogadóttir.
Síðast uppfært 10. október, 2025

Heimildaskrá

• 1
  Lilja Laufey Davíðsdóttir og Ragnheiður Gló Gylfadóttir (2016). Aðalskráning[skráning] fornleifa í Raufarhafnarhreppi og skráning fornleifa á deiliskipulagsreit við Heimskautsgerði, bls. 26. Reykjavík: Fornleifastofnun Íslands ses.; Níels Árni Lund (2016). Sléttunga II. Safn til sögu Melrakkasléttu. Fólk og býli, bls. 267. Reykjavík: Skrudda ehf.; Níels Árni Lund (2016). Sléttunga III. Safn til sögu Melrakkasléttu. Raufarhöfn, bls. 41-43. Reykjavík: Skrudda ehf.; Minning: Rannveig Lund (1961, 15. nóvember). Tíminn, 45. árg., 291. tbl., bls. 6.
• 2
  Níels Árni Lund (2016). Sléttunga III. Safn til sögu Melrakkasléttu. Raufarhöfn, bls. 42.
• 3
  Níels Árni Lund (2016). Sléttunga III. Safn til sögu Melrakkasléttu. Raufarhöfn, bls. 44.
• 4
  Níels Árni Lund (2016). Sléttunga III. Safn til sögu Melrakkasléttu. Raufarhöfn, bls. 44-45; Minning: Rannveig Lund (1961, 15. nóvember).