Kristinshús, Siglufirði

Árið 1906 byggði Kristinn Þorsteinsson (1879-1975) sér hús á Skútuskriðu í austanverðum Siglufirði.¹Sigurjón Sigtryggsson (1986). Frá Hvanndölum til Úlfsdala. Þættir úr sögu Hvanneyrarhrepps. 3 bindi, bls. 418. Reykjavík: Sögusteinn; Bjarni Þorsteinsson (1918). Siglufjarðarverzlunarstaður hundrað ára 1818 – 20. maí – 1918. Aldar­minning. Ágrip af sögu kauptúns og sveitar, bls. 29 og 69. Reykjavík: Gutenberg.

Þar bjó hann og kona hans, Marsibil Ólafsdóttir [1879-1948], til 1911. Þá var húsið flutt yfir á Siglufjarðareyri og sett þar á nýjan grunn. Þar bjuggu þau Kristinn og Marsibil lengi síðan. Húsið var aftur fært af grunni og flutt suður að bryggjum ofarlega á eyrinni.²Sigurjón Sigtryggsson (1986), bls. 418-419.

Í sóknarmannatölum Hvanneyrarsóknar sést að Kristinn og Marsibil bjuggu í Kristinshúsi frá 1906 til 1918³Þjóðskjalasafn. Sóknarmannatöl. Sótt 30. júlí 2025 af https://salnaregistur.manntal.is/.. Nafn hússins hefur því flutt með húsinu. En húsið var einnig nefnt eftir húsfreyjunni og kallað Marsibilarhús.

Líklega hefur húsið fyrst staðið í kaupstaðnum á þeim slóðum sem hús númer 3 við Eyrargötu stendur nú (2025). Það hús var byggt árið 1939 og hefur hús Kristins væntanlega verið flutt fyrir eða um það leyti suður að bryggjum.⁴Harpa Grímsdóttir (1998, desember). Byggingarár húsa á Siglufirði, bls. 12. Reykjavík: Veðurstofa Íslands. Sótt 30. júlí 2025 af http://www.veðurstofan.is/media/vedurstofan/utgafa/greinargerdir/ 1998/98049.pdf. Þar stóð húsið ekki fjarri húsinu sem nú hýsir Hannes Boy Café, Gránugötu 23. Síðast var húsið notað sem einskonar bílaverkstæði og var þá í eigu Sölva Guðnasonar bílstjóra. Það var rifið á níunda áratug síðustu aldar.⁵Sölvi Guðnason (2011, 16. febrúar). Munnleg heimild; Sigurjón Sigtryggsson (1986), bls. 419; Örlygur Kristfinnsson (2010, 15. maí). Munnleg heimild; Örlygur Kristfinnsson (2023). Fólkið á Eyrinni. Smámyndir og þættir, bls. 39. Siglufirði: Söluturninn.

Leitarorð: Siglufjörður

Höfundur: Guðlaug Vilbogadóttir.
Síðast uppfært 2. ágúst, 2025

Heimildaskrá

• 1
  Sigurjón Sigtryggsson (1986). Frá Hvanndölum til Úlfsdala. Þættir úr sögu Hvanneyrarhrepps. 3 bindi, bls. 418. Reykjavík: Sögusteinn; Bjarni Þorsteinsson (1918). Siglufjarðarverzlunarstaður hundrað ára 1818 – 20. maí – 1918. Aldar­minning. Ágrip af sögu kauptúns og sveitar, bls. 29 og 69. Reykjavík: Gutenberg.
• 2
  Sigurjón Sigtryggsson (1986), bls. 418-419.
• 3
  Þjóðskjalasafn. Sóknarmannatöl. Sótt 30. júlí 2025 af https://salnaregistur.manntal.is/.
• 4
  Harpa Grímsdóttir (1998, desember). Byggingarár húsa á Siglufirði, bls. 12. Reykjavík: Veðurstofa Íslands. Sótt 30. júlí 2025 af http://www.veðurstofan.is/media/vedurstofan/utgafa/greinargerdir/ 1998/98049.pdf.
• 5
  Sölvi Guðnason (2011, 16. febrúar). Munnleg heimild; Sigurjón Sigtryggsson (1986), bls. 419; Örlygur Kristfinnsson (2010, 15. maí). Munnleg heimild; Örlygur Kristfinnsson (2023). Fólkið á Eyrinni. Smámyndir og þættir, bls. 39. Siglufirði: Söluturninn.