Eyrarvegur 10, Þórshöfn

Heiðarhöfn er á norðanverðu Langanesi, um 20 km utan við Þórshöfn. Þarna var sæmileg höfn og stunduð útgerð frá fornu fari. Árið 1884 byggði Gránufélagið salthús í Heiðarhöfn og keypti fisk af útvegsbændum til söltunar.¹Friðrik G. Olgeirsson (1998). Langnesingasaga I. Saga byggðar á Langanesi frá landnámi til 1918, bls. 201 og 239. Reykjavík: Þórshafnarhreppur. Gránufélagið var íslenskt hlutafélag um verslun og siglingar, stofnað í janúar 1869, og varð á örskömmum tíma mikið stórveldi í íslenskri verslun og var um skeið langstærsta fyrirtæki landsins á því sviði.²Finnur Birgisson (1992). Gránufélagshúsin. Strandgata 49, Akureyri, bls. 3-5. Úttektarskýrsla unnin fyrir Húsafriðunarsjóð og Vélsmiðjuna Odda. Verknr. 2124 í gagnasafni Húsafriðunarnefndar. Á öðrum áratug síðustu aldar „virtist sem sjávarþorp væri að rísa í Heiðarhöfn og bjuggu þar þá tveir til þrír tugir manna auk margra vermanna, en sú dýrð stóð ekki lengi.“³Sigurjón Björnsson (2000, 7. desember). Langnesingar á tuttugustu öld. Morgunblaðið, 88. árg., 282. tbl., bls. 40.

Árið 1918 keypti Kaupfélag Langnesinga salthúsið af Gránufélaginu og lét flytja það inn á Þórshöfn, þar sem það var sett niður á lóð nr. 10 við Eyrarveg. Um verkið sá Arngrímur Jónsson. Húsið var flutt í heilu lagi um veturinn á nokkrum hestasleðum sem dregnir voru af átta hestum. Húsið var tveggja hæða, 7,67 x 5,8 m að stærð.

Árið eftir var opnuð verslun í húsinu, en eftir að kaupfélagið flutti starfsemi sína í nýtt hús árið 1932 var gamla húsinu breytt í íbúðarhús með tveimur íbúðum og auk þess var verkstæði á neðri hæðinni. Eftir að farið var að búa í húsinu var það fyrst kallað Meyjarland og síðar Búðardalur. Húsið var rifið árið 1993.⁴Friðrik G. Olgeirsson (1998), bls. 323; Friðrik G. Olgeirsson (2000). Langnesingasaga II. Saga byggðar á Langanesi frá 1918 til 2000, bls. 58. Reykjavík: Þórshafnarhreppur.

Höfundur: Guðlaug Vilbogadóttir.
Síðast uppfært 11. janúar, 2024

Heimildaskrá

• 1
  Friðrik G. Olgeirsson (1998). Langnesingasaga I. Saga byggðar á Langanesi frá landnámi til 1918, bls. 201 og 239. Reykjavík: Þórshafnarhreppur.
• 2
  Finnur Birgisson (1992). Gránufélagshúsin. Strandgata 49, Akureyri, bls. 3-5. Úttektarskýrsla unnin fyrir Húsafriðunarsjóð og Vélsmiðjuna Odda. Verknr. 2124 í gagnasafni Húsafriðunarnefndar.
• 3
  Sigurjón Björnsson (2000, 7. desember). Langnesingar á tuttugustu öld. Morgunblaðið, 88. árg., 282. tbl., bls. 40.
• 4
  Friðrik G. Olgeirsson (1998), bls. 323; Friðrik G. Olgeirsson (2000). Langnesingasaga II. Saga byggðar á Langanesi frá 1918 til 2000, bls. 58. Reykjavík: Þórshafnarhreppur.