Grettisgata 43a, Reykjavík

Um og upp úr 1917 hófst uppbygging Ölgerðar Egils Skallagrímssonar við Njálsgötu. Þegar umsvif hennar jukust þurfti húsið númer 21a við Njálsgötu að víkja, en það hafði verið byggt árið 1904 af Birni Björnssyni söðlasmið. Húsið var upphaflega 5,6 x 4,4 m að stærð, einlyft með risi, járnklætt með járnþaki. Árið 1917 hefur húsið verið lengt í 7,3 metra og búið að setja á það kvist. Þannig flutti Karl Á. Torfason húsið á lóð nr. 43 A við Grettisgötu.¹Hrefna Róbertsdóttir (1989). Gamli Austurbærinn. Timburhúsabyggð í norðanverðu Skólavörðuholti frá byrjun 20. aldar, bls. 140-141. Ritröð Árbæjarsafns 2. Reykjavík: Árbæjarsafn; Nikulás Úlfar Másson (2001). Húsakönnun. Ölgerðarreitur, bls. 1. Skýrslur Árbæjarsafns 87. Reykjavík: Árbæjarsafn; Nikulás Úlfar Másson (1998). Byggingasaga. Ölgerðin Egill Skallagrímsson við Njálsgötu. Skýrslur Árbæjarsafns LXIX. Reykjavík: Árbæjarsafn. Þegar húsið hafði verið flutt á Grettisgötu var því lýst þannig:

… íbúðarhús með porti, kvisti og risti, bygt úr binding kl. utan borðum, pappa, listum og járn á veggjum og þaki. Á aðalhæðinni eru 2 íbúðarherbergi og eldhús og gangur. Alt þiljað innan lagt striga og maskínu­pappír og ýmist veggfóðrað eða málað.
Á þaklyfti eru 2 íbúðarherbergi og framloft, alt með samskonar frágangi einsog er á hæðinni.
Geymslukjallari er undir öllu húsinu með steinst. gólfi.
L. 7 m., br. 4,5 m., h. 3,2 m., ris 1,4 m., kjallh. 2 m.²Minjasafn Reykjavíkur (ódags.). Húsaskrá. Grettisgata 43 A.

Síðan hefur húsið tekið miklum breytingum, það stækkað enn meira, múrhúðað og settar á það tvennar svalir. Því sjást lítil merki um upphaflegt útlit hússins.³Hrefna Róbertsdóttir (1989), bls. 140-141; Nikulás Úlfar Másson (2001), bls. 1.

Þess má geta að nú hafa hús Ölgerðarinnar við Njálsgötu vikið fyrir enn nýrri húsum og Ölgerðin flutt starfsemi sína að Grjóthálsi í Reykjavík.

Höfundur: Guðlaug Vilbogadóttir.
Síðast uppfært 14. desember, 2023

Heimildaskrá

• 1
  Hrefna Róbertsdóttir (1989). Gamli Austurbærinn. Timburhúsabyggð í norðanverðu Skólavörðuholti frá byrjun 20. aldar, bls. 140-141. Ritröð Árbæjarsafns 2. Reykjavík: Árbæjarsafn; Nikulás Úlfar Másson (2001). Húsakönnun. Ölgerðarreitur, bls. 1. Skýrslur Árbæjarsafns 87. Reykjavík: Árbæjarsafn; Nikulás Úlfar Másson (1998). Byggingasaga. Ölgerðin Egill Skallagrímsson við Njálsgötu. Skýrslur Árbæjarsafns LXIX. Reykjavík: Árbæjarsafn.
• 2
  Minjasafn Reykjavíkur (ódags.). Húsaskrá. Grettisgata 43 A.
• 3
  Hrefna Róbertsdóttir (1989), bls. 140-141; Nikulás Úlfar Másson (2001), bls. 1.