Túngata 10, Eskifirði

Hús þetta lét frú Gytte Thorlacius, ekkja Bjarna Thorlacius, læknis á Eskifirði, byggja eftir dauða manns síns. Hann lést árið 1867 en húsið mun hafa verið reist á árunum 1870 til 1880, þó nær 1880. Gytte lést á útmánuðum 1881 og entist henni ekki aldur til að sjá húsið fullsmíðað. Húsið stóð á svokölluðu Bleiksártúni, skammt innan við þorpið í Eskifirði, en nákvæm staðsetning er ekki þekkt.

Bræðurnir Finnur og Guðni Vigfússynir keyptu húsið þegar búið var að reisa það undir þak og fluttu það út í mitt kauptúnið árið 1886, þar sem það stendur enn og er nr. 10 við Túngötu. Húsið er ýmist kallað Finnshús eða Guðnahús, en hefur einnig verið nefnt Gytteborg.¹Eskja 1. Örnefni við Eskifjörð. Sögur og sagnir af örnefnasvæðinu (1971). Sögurit Eskfirðinga I. bindi, bls. 59 og 181. Einar Bragi Sigurðsson sá um útgáfuna. Eskifirði: Byggðasögunefnd Eskifjarðar; Eskja 2. Eskifjarðarkaupstaður. Upphaf byggðar og fríhöndlunar (1977). Sögurit Eskfirðinga II. bindi, bls. 13. Einar Bragi Sigurðsson aflaði fanga og færði í letur. Eskifirði: Byggðasögunefnd Eskifjarðar; Kristín Ágústsdóttir (2001, maí). Byggingarár húsa á Eskifirði, bls. 6. Unnið fyrir Veðurstofu Íslands. Neskaupstað: Náttúrustofa Austurlands. Sótt 6. nóvember 2023 af https://www.vedur.is/gogn/snjoflod/haettumat/es/eskifj_byggingarar.pdf; Lárus H. Blöndal og Vilmundur Jónsson (1970). Læknar á Íslandi I, bls. 162. Önnur útgáfa. Reykjavík: Læknafélag Íslands og Ísafoldarprentsmiðja.

Höfundur: Guðlaug Vilbogadóttir.
Síðast uppfært 13. desember, 2023

Heimildaskrá

• 1
  Eskja 1. Örnefni við Eskifjörð. Sögur og sagnir af örnefnasvæðinu (1971). Sögurit Eskfirðinga I. bindi, bls. 59 og 181. Einar Bragi Sigurðsson sá um útgáfuna. Eskifirði: Byggðasögunefnd Eskifjarðar; Eskja 2. Eskifjarðarkaupstaður. Upphaf byggðar og fríhöndlunar (1977). Sögurit Eskfirðinga II. bindi, bls. 13. Einar Bragi Sigurðsson aflaði fanga og færði í letur. Eskifirði: Byggðasögunefnd Eskifjarðar; Kristín Ágústsdóttir (2001, maí). Byggingarár húsa á Eskifirði, bls. 6. Unnið fyrir Veðurstofu Íslands. Neskaupstað: Náttúrustofa Austurlands. Sótt 6. nóvember 2023 af https://www.vedur.is/gogn/snjoflod/haettumat/es/eskifj_byggingarar.pdf; Lárus H. Blöndal og Vilmundur Jónsson (1970). Læknar á Íslandi I, bls. 162. Önnur útgáfa. Reykjavík: Læknafélag Íslands og Ísafoldarprentsmiðja.